Top
Begin typing your search above and press return to search.
keyboard_arrow_down
Login
exit_to_app
exit_to_app
കാർഷിക ബിൽ കർഷകർക്ക്​ വരുമാനവർധനവ്​ നൽകും -അമിത്​ ഷാ
cancel
Homechevron_rightNewschevron_rightIndiachevron_rightകാർഷിക ബിൽ കർഷകർക്ക്​...

കാർഷിക ബിൽ കർഷകർക്ക്​ വരുമാനവർധനവ്​ നൽകും -അമിത്​ ഷാ

text_fields
bookmark_border

ന്യൂഡൽഹി: ന​േരന്ദ്ര മോദി സർക്കാറി​െൻറ ചരിത്രബിൽ രാജ്യത്തെ കർഷകർക്ക്​ വരുമാനവർധനവും പുതിയ അവസരങ്ങളും തുറന്നു നൽകുമെന്ന്​ കേന്ദ്ര ആഭ്യന്തര മന്ത്രി അമിത്​ ഷാ. പുതിയ കർഷക ബില്ലുകൾ കാർഷിക മേഖലക്ക്​ ഏറെ ഊർജം പകർന്നു നൽകു​മെന്നും ട്വീറ്റിൽ അമിത്​ ഷാ അവകാശപ്പെട്ടു.

രാജ്യവ്യാപകമായി ബില്ലിനെതിരെ കർഷകർക്കിടയിൽ അമർഷം പുകയുന്നതിനിടയിലാണ്​ അമിത്​ ഷായുടെ അഭിപ്രായപ്രകടനം. എൻ.ഡി.എയിൽ സഖ്യകക്ഷിയായ ശിരോമണി അകാലിദൾ മന്ത്രി ഹർസിമ്രത്​ കൗർ ബില്ലിൽ പ്രതിഷേധിച്ച്​ കേന്ദ്ര സർക്കാറിൽനിന്ന്​ രാജിവെച്ചിരുന്നു.



'മോദി സർക്കാറി​െൻറ ചരിത്രബിൽ കർഷകർക്കും കാർഷിക മേഖലക്കും ഏറെ കരുത്ത്​ പകരും. ഇടനിലക്കാരെയും മറ്റു പ്രശ്​നങ്ങളെയും അകറ്റി നിർത്താൻ ഇതുവഴി കഴിയും. കർഷകർക്ക്​ അവരുടെ ഉൽപന്നങ്ങൾ വിൽക്കാൻ കൂടുതൽ അവസരങ്ങൾ തുറന്നുനൽകുന്നതാണ്​ ഈ ബില്ലുകൾ. അതുവഴി അവരുടെ വരുമാനം വർധിപ്പിക്കാനും സാധിക്കും.' -അമിത്​ ഷാ ട്വീറ്റ്​ ചെയ്​തു. ഈ ട്വീറ്റിനുള്ള പ്രതികരണങ്ങളിൽ വലിയൊരുഭാഗം കർഷക ബില്ലിനോടുള്ള പ്രതിഷേധം രേഖപ്പെടുത്തിയുള്ളതാണ്​.

Show Full Article
TAGS:Amit Shah Farm Bills 2020 
Next Story