അക്രമ രാഷ്ട്രീയം സി.പി.എമ്മി​െൻറ സ്വഭാവത്തിലുള്ളത്​-​ അമിത്​ ഷാ

ന്യൂഡല്‍ഹി: അക്രമ രാഷ്​ട്രീയം കമ്മ്യൂണിസ്​റ്റുകാരുടെ സ്വഭാവമാണെന്ന്​ ബി.ജെ.പി ദേശീയാധ്യക്ഷൻ അമിത്​ ഷാ. കേരളത്തില്‍ സി.പി.എം അധികാരത്തിലേറിയ ശേഷം 120 ഓളം ആർ.എസ്​.എസ്, ബി.ജെ.പി പ്രവര്‍ത്തകരാണ് കൊല്ലപ്പെട്ടത്​. ഭൂരിഭാഗം കൊലപാതകങ്ങളും നടന്നത് മുഖ്യമന്ത്രിയുടെ മൂക്കിനു കീഴെ സ്വന്തം ജില്ലയിലാണ്​. അതിൽ പിണറായി വിജയൻ ലജ്ജിക്കണം. അക്രമം വ്യാപിപ്പിച്ച്​ ചിന്തകകളെയും ആശയങ്ങളെയും നേരിടാമെന്ന്​ സി.പി.എം കരുതുന്നത്​. കമ്മ്യൂണിസ്റ്റ് പാര്‍ട്ടി ലോകത്തിൽ നിന്നും കോൺഗ്രസ്​ ഇന്ത്യയിൽ നിന്നും അപ്രത്യക്ഷമാകുമെന്നാണ്​ തനിക്ക്​ പറയാനുള്ളതെന്നും  അമിത് ഷാ പറഞ്ഞു. സി.പി.എം ഭീകരതക്കെതിരെ ഡല്‍ഹിയില്‍  നടത്തിയ റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

 ഭയം ജനിപ്പിക്കാന്‍ വേണ്ടി ബി.ജെ.പി പ്രവര്‍ത്തകരെ അതിക്രൂരമായി വെട്ടി കൊലപ്പെടുത്തുകയാണുണ്ടായത്​. എന്നാൽ അവർ കൊലപതാകങ്ങൾ നടത്തികൊണ്ട്​ മുന്നേറു​േമ്പാൾ കൂടുതൽ താമര വിരിയുകയാണ്​ ചെയ്യുകയെന്നും അമിത്​ ഷാ പറഞ്ഞു. 

ഏറ്റവും കൂടുതല്‍ രാഷ്ട്രീയ അക്രമങ്ങള്‍ റിപ്പോര്‍ട്ട ചെയ്​തത്​ സി.പി.എം അധികാരത്തിലുള്ള പശ്ചിമ ബംഗാളിലും തൃപുരയിലും കേരളത്തിലുമാണ്​. എവിടെ അവര്‍ ഭരണത്തിലിരിക്കുന്നുവോ അവിടെ രാഷ്ട്രീയ പ്രവര്‍ത്തനവും സംസ്​കാരവും അക്രമത്തിലേക്ക് വഴിമാറുമെന്നും അമിത് ഷാ കൂട്ടിച്ചേര്‍ത്തു.

 സി.പി.എമ്മുകാർ അവർക്ക്​ ചുറ്റുമുള്ള ലോകം നശിപ്പിക്കു​േമ്പാൾ കോൺഗ്രസുകാർ ഇന്ത്യ മുഴുവനും നശിപ്പിച്ച സ്ഥിതിയാണുണ്ടായത്​. മനുഷ്യാവകാശ പ്രവര്‍ത്തകര്‍ ചില വിഷയങ്ങളില്‍ നിശ്ശബ്ദരാണ്​. അത് അവരുടെ പക്ഷപാതമാണ് കാണിക്കുന്നതെന്നും അദ്ദേഹം കൂട്ടിച്ചേർത്തു. 

രാഷ്ട്രീയ കൊലപാതകങ്ങള്‍ക്ക് ഇരയായ ബി.ജെ.പി പ്രവര്‍ത്തകരുടെ ചിത്രങ്ങള്‍ റാലിയോടൊപ്പം പ്രദര്‍ശിപ്പിച്ചിരുന്നു.