Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപ്രശാന്ത്​ കിഷോറിനെ...

പ്രശാന്ത്​ കിഷോറിനെ പാർട്ടിയിലെടുത്തത്​ അമിത്​ ഷായുടെ ആവശ്യപ്രകാരം -നിതീഷ്​ കുമാർ

text_fields
bookmark_border
പ്രശാന്ത്​ കിഷോറിനെ പാർട്ടിയിലെടുത്തത്​ അമിത്​ ഷായുടെ ആവശ്യപ്രകാരം -നിതീഷ്​ കുമാർ
cancel

പാറ്റ്​ന: ജനതാദൾ (യുനൈറ്റഡ്​) ദേശീയ വൈസ്​ പ്രസിഡൻറ്​ പ്രശാന്ത്​ കിഷോറിനെ പാർട്ടിയിൽ എടുത്തത്​ അമിത്​ ഷാ ആവശ് യപ്പെട്ടതുപ്രകാരമാണെന്ന്​ ബീഹാർ മുഖ്യമന്ത്രി നിതീഷ്​ കുമാർ.

പൗരത്വ ഭേദഗതി നിയമത്തിനും (സി.എ.എ) ദേശീയ പൗരത് വ രജിസ്​റ്ററിനും (എൻ.ആർ.സി) എതിരായ പ്രശാന്ത്​ കിഷോറി​​െൻറ പ്രസ്​താവനകളെ തള്ളിപ്പറയുന്ന വിധത്തിലായിരുന്നു പാ ർട്ടി അധ്യക്ഷൻ കൂടിയായ നിതീഷ്​ കുമാറി​​െൻറ പ്രതികരണം. ‘ഒരാൾ (പവൻ കെ. വർമ) കത്ത്​ നൽകി. ഞാൻ മറുപടി നൽകി. മറ്റൊരാൾ ട്വീറ്റ്​ ചെയ്യുന്നു. അയാളത്​ ചെയ്യ​ട്ടെ. എനിക്കതിൽ എന്തുചെയ്യാൻ കഴിയും? ആർക്കും അവർ ആഗ്രഹിക്കുന്നതുവരെ പാർട ്ടിയിൽ (ജെ.ഡി.യു) നിൽക്കാം. ആവശ്യമെങ്കിൽ പുറത്തുപോകുകയും ചെയ്യാം. അയാൾ (പ്രശാന്ത്​ കിഷോർ) എങ്ങിനെയാണ്​ പാർട്ടിയിൽ ചേർന്നത് എന്നറിയാമോ? അമിത്​ ഷാ ആണ്​ എന്നോട്​ അയാളെ പാർട്ടിയിൽ ഉൾപ്പെടുത്താൻ ആവശ്യപ്പെട്ടത്​’ -നിതീഷ്​ കുമാർ മാധ്യമ പ്രവർത്തകരോട്​ പറഞ്ഞു.

അമിത്​ഷാ ധിക്കാരപൂർവം രാജ്യത്തോട്​ പ്രഖ്യാപിച്ച ക്രമപ്രകാരം സി.എ.എയും എൻ.ആർ.സിയും നടപ്പാക്കി നോ​ക്കൂയെന്ന്​ വെല്ലുവിളിച്ച്​ കഴിഞ്ഞ ദിവസം പ്രശാന്ത്​ ക​ിഷോർ ട്വീറ്റ്​ ചെയ്​തതിനെ കുറിച്ച​ുള്ള ചോദ്യങ്ങളോട്​ പ്രതികരിക്കുകയായിരുന്നു അദ്ദേഹം. പൗരത്വ ഭേദഗതി ബില്ലിനെ ലോക്​സഭയിലും രാജ്യസഭയിലും ജെ.ഡി.യു പിന്തുണച്ചതിനെ തുടക്കം മുതൽ എതിർത്ത്​ വരികയാണ്​ പ്രശാന്ത്​ കിഷോർ. ഇത്​ പലതവണ അദ്ദേഹം പരസ്യമായി പ്രകടിപ്പിക്കുകയും ചെയ്​തിട്ടുണ്ട്​. ജെ.ഡി.യു സി.എ.എയെയും എൻ.ആർ.സിയെയും പിന്തുണക്കുന്നത്​ എന്തുകൊണ്ടാണെന്ന്​ വ്യക്​തമാക്കാൻ നിതീഷ്​ കുമാറിന്​ മാത്രമേ കഴിയൂയെന്നായിരുന്നു പ്രശാന്ത്​ കിഷോറി​​െൻറ വിശദീകരണം.

ഡൽഹി നിയമസഭ തെരഞ്ഞെടുപ്പിൽ ബി.​െജ.പിയുമായി സഖ്യം ഉണ്ടാക്കിയതിനെ ചോദ്യം ചെയ്​ത്​ കത്തുനൽകിയ മുതിർന്ന നേതാവ്​ പവൻ കെ. വർമയെ കഴിഞ്ഞദിവസം നിതീഷ്​ കുമാർ ശാസിച്ചിരുന്നു. ‘അതൊരു കത്ത്​ ആയിരുന്നില്ല. പാർട്ടിയിൽ അംഗമായ ഒരാൾ പ്രശ്​നങ്ങൾ വിശദീകരിച്ച്​ കത്തെഴുതിയാൽ അതിന്​ മറുപടി നൽകും. ഒരു അറിയിപ്പ്​ പോലും നൽകാതെ ഇ-മെയിൽ അയക്കുന്നതിനെയും നേരെ മാധ്യമങ്ങളെ കാണുന്നതിനെയും ഞാൻ കണക്കിലെടുക്കുന്നില്ല. അതിനെയൊരു കത്തായി പരിഗണിക്കാനുമാകില്ല’- അദ്ദേഹം പറഞ്ഞു.

നേരത്തേ, ദേശീയ ജനസംഖ്യ രജിസ്​റ്റർ ഫോമിൽ നിന്ന്​ മാതാപിതാക്കളുടെ ജന്മസ്​ഥലം, ജനനത്തീയതി പോലുള്ള കോളങ്ങൾ ഒഴിവാക്കണമെന്ന്​ ത​​െൻറ പാർട്ടി കേന്ദ്ര സർക്കാറിനോട്​ ആവശ്യപ്പെടുമെന്ന്​ നിതീഷ്​ കുമാർ വ്യക്​തമാക്കിയിരുന്നു. പലർക്കു​ം ഇത്തരം വിവരങ്ങൾ അറിയില്ലായിരിക്കാമെന്നും അ​ദ്ദേഹം ചൂണ്ടിക്കാട്ടി. സി.എ.എ രാജ്യത്തുടനീളം അശാന്തി പരത്തിയെന്നും ഇതു സംബന്ധിച്ച ആശങ്കകൾ സു​പ്രീം കോടതി ദൂരീകരിക്കുമെന്നാണ്​ പ്രതീക്ഷയെന്നും അദ്ദേഹം പറഞ്ഞു.

Show Full Article
TAGS:nitish kumar prashanth kishore jdu Anti CAA protest 
News Summary - Amit Shah asked me to induct Prashant Kishor into JDU, says Nitish Kumar -India news
Next Story