അമിത്​ ഷാ ചെന്നൈയിൽ; തെരഞ്ഞെടുപ്പ്​ ഒരുക്കം വിലയിരുത്തും

ചെന്നൈ: നിയമസഭ തെരഞ്ഞെടുപ്പ്​ ഒരുക്കങ്ങൾക്കായി കേന്ദ്ര ആഭ്യന്തരമന്ത്രി അമിത്​ ഷാ തമിഴ്​നാട്ടിൽ. ഞായറാഴ്ച രാവിലെ ചെന്നൈ വിമാനത്താളത്തിലെത്തിയ അമിത്​ ഷായെ ബി.ജെ.പി പ്രവർത്തകർ സ്വീകരിച്ചു. ​ചെന്നൈ വിമാനത്താവളത്തിൽ വ്യാജ ബോംബ്​ ഭീഷണിയെ തുടർന്ന്​ വൻ സുരക്ഷ സന്നാഹം ഒരുക്കിയിരുന്നു. ആഭ്യന്തരമന്ത്രിയുടെ സന്ദർശനത്തിന്​ തൊട്ടുമുമ്പായിരുന്നു ഫോണിലൂടെ ഭീഷണി സന്ദേശമെത്തിയത്​.

മാർച്ച്​ ഒന്നിന്​ കൊച്ചി, ​​െചന്നൈ വിമാനത്താളങ്ങളിൽ ബോംബ്​ വെക്കുമെന്നായിരുന്നു അജ്ഞാതന്‍റെ സന്ദേശം.

ഒരാഴ്ചക്കിടെ നിരവധി വ്യാജ ബോംബ്​ സന്ദേശങ്ങൾ രാജ്യത്തിന്‍റെ വിവിധ ഭാഗങ്ങളിൽ ലഭിച്ചിരുന്നു. മുംബൈയിലെ മുകേഷ്​ അംബാനിയുടെ വീടിന്​ സമീപത്ത്​ സ്​ഫോടക വസ്​തുക്കൾ നിറച്ച കാർ കണ്ടെത്തിയിരുന്നു. ഭീഷണി സന്ദേശം അടങ്ങിയ കത്ത്​ കാറിൽ നിന്ന്​ ക​െണ്ടടുക്കുകയും ചെയ്​തിരുന്നു.

നിയമസഭ തെരഞ്ഞെടുപ്പിന്​ മുന്നോടിയായാണ്​ അമിത്​ ഷായുടെ ചെന്നൈ സന്ദർ​ശനം. അണ്ണാ ഡി.എം.കെ -ഡി.എം.കെ മുന്നണികൾ നേർക്കുനേർ പോരാടു​േമ്പാഴും നേട്ടം കൊയ്യാനാകുമെന്ന ആത്മവി​ശ്വാസത്തിലാണ്​ ബി.ജെ.പി.

തമിഴ്​നാട്ടിൽ ഏപ്രിൽ ആറിനാണ്​ വോ​ട്ടെടുപ്പ്​. മുൻ മുഖ്യമന്ത്രിമാരായ കരുണാനിധിയും ജയലളിതയും അന്തരിച്ചശേഷം നടക്കുന്ന ആദ്യ നിയമസഭ തെരഞ്ഞെടുപ്പ്​ കൂടിയാണിത്​.