ഹാഥറസ്​ പെൺകുട്ടിയുടെ പേര്​ വെളിപ്പെടുത്തി; മാളവ്യ, ദ്വിഗ്​വിജയ്​, സ്വരഭാസ്​കർ എന്നിവർക്ക്​ വനിത കമീഷൻ നോട്ടീസ്​

ന്യൂഡൽഹി: ഹാഥറസിൽ കൂട്ടബലാത്സംഗത്തിനിരയായി കൊല്ലപ്പെട്ട ദലിത്​ പെൺകുട്ടിയുടെ പേര്​ വെളിപ്പെടുത്തിയതിന്​ ബി.ജെ.പി ഐ.ടി സെൽ തലവൻ അമിത്​ മാളവ്യ, കോൺഗ്രസ്​ നേതാവ്​ ദ്വിഗ്​ വിജയ്​ സിങ്​, ബോളിവുഡ്​ നടിയും ആക്​ടിവിസ്​റ്റുമായ സ്വര ഭാസ്​കർ എന്നിവർക്ക് ദേശീയ​ വനിത കമീഷൻ നോട്ടീസ്​. ​ മൂവർക്കും നോട്ടീസ്​ നൽകിയ കാര്യം വനിത കമീഷൻ അറിയിക്കുകയായിരുന്നു​. ഇരയുടെ പേര്​ വെളിപ്പെടുത്തുന്ന പോസ്​റ്റുകൾ മൂവരോടും നീക്കം ചെയ്യാനും കമീഷൻ ആവശ്യപ്പെട്ടിട്ടുണ്ട്​.

സെക്ഷൻ 228(A) പ്രകാരമാണ്​ മൂന്ന്​ പേർക്കും നോട്ടീസ്​ നൽകിയത്​. ഉടൻ തന്നെ തൃപ്​തികരമായ വിശദീകരണം നൽകാനും ആവശ്യപ്പെട്ടു. ലൈംഗികാതിക്രമത്തിന്​ ഇരയാവരുടെ പേര്​ വെളിപ്പെടുത്തുന്നത്​ നിയമപ്രകാരം കുറ്റകരമാണ്​. രണ്ട്​ വർഷം വ​െര തടവ്​ ലഭിക്കാവുന്ന കുറ്റമാണിത്​.

സെപ്​റ്റംബർ 14നാണ്​ താക്കൂർ സമുദായക്കാരായ നാല്​ പേർ ചേർന്ന്​ ദലിത്​ പെൺകുട്ടിയെ കൂട്ടബലാത്സംഗത്തിനിരയാക്കിയത്​. സെപ്​റ്റംബർ 29ന്​ സഫ്​ദർജങ്​ ആശുപത്രിയിൽ ചികിൽസയിലിരിക്കെ പെൺകുട്ടി മരിച്ചു. കേസിലെ നാല്​ പ്രതികളേയും പൊലീസ്​ അറസ്​റ്റ്​ ചെയ്​തു.