അമിത് അഗർവാൾ യു.ഐ.ഡി.എ.ഐ സി.ഇ.ഒ; ശുഭോത് കുമാർ സിങ് എൻ.ടി.എ തലവൻ

ന്യൂഡൽഹി: മുതിർന്ന ഐ.എ.എസ് ഓഫീസർമാരായ അമിത് അഗവർവാളിനെയും, ശുഭോത് കുമാറിനേയും യു.ഐ.ഡി.എ.ഐയിലും നാഷണൽ ടെസ്റ്റിങ് ഏജൻസിയിലും നിയമിച്ച് കേന്ദ്രസർക്കാർ. യു.ഐ.ഡി.എ.ഐ സി.ഇ.ഒയായാണ് അമിത് അഗർവാളിന്റെ നിയമനം. നാഷണൽ ടെസ്റ്റിങ് ഏജൻസി ഡയറക്ടർ ജനറലായാണ് ശുഭോത് കുമാറിനെ നിയമിച്ചത്.

അഗർവാളും സിങ്ങും ഛത്തീസ്ഗഢ് കേഡറിൽ നിന്നുള്ള ഐ.എ.എസ് ഉദ്യോഗസ്ഥരാണ്. 1993 ബാച്ച് ഉദ്യോഗസ്ഥനാണ് അഗർവാൾ. 1997 ബാച്ച് ഐ.എ.എസ് ഓഫീസറാണ് സിങ്.

മിനിസ്ട്രി ഓഫ് ഇലക്ട്രോണിക്സ് ആൻഡ് ഇൻഫർമേഷനിലെ അഡീഷണൽ സെക്രട്ടറിയാണ് അഗവർവാളിപ്പോൾ. ഫുഡ് ആൻഡ് പബ്ലിക് ഡിസ്ട്രിബ്യൂഷൻ വകുപ്പിലെ അഡീഷണൽ സെക്രട്ടറിയാണ് സിങ്. റിച്ച ശർമ്മയെയാണ് ഫുഡ് ആൻഡ് പബ്ലിക് ഡിസ്ട്രിബ്യൂഷനിലേക്ക് പകരം നിയമിച്ചത്.