Begin typing your search above and press return to search.
proflie-avatar
Login
exit_to_app
exit_to_app
ambika soni
cancel
Homechevron_rightNewschevron_rightIndiachevron_rightമുഖ്യമന്ത്രിയാകാൻ...

മുഖ്യമന്ത്രിയാകാൻ അംബിക സോണിയില്ല; രാഹുലുമായി നടത്തിയ കൂടിക്കാഴ്ചയിൽ വാഗ്​ദാനം നിരസിച്ചെന്ന്​ റിപ്പോർട്ട്​

text_fields
bookmark_border

ന്യൂഡൽഹി: പഞ്ചാബ്​ മുഖ്യമന്ത്രി സ്​ഥാനം ഏറ്റെടുക്കാൻ വിസമ്മതിച്ച്​ മുതിർന്ന കോൺ​ഗ്രസ്​ നേതാവ്​ അംബിക സോണി. രാഹുൽ ഗാന്ധിയുമായി നടത്തിയ കൂടിക്കാഴ്ചയിലാണ്​ അംബിക​ സോണി മുഖ്യമന്ത്രി സ്​ഥാന വാഗ്​ദാനം നിരസിച്ചതെന്ന്​ ദേശീയ മാധ്യമങ്ങൾ റിപ്പോർട്ട്​ ചെയ്യുന്നു.

പഞ്ചാബിൽ ഒരു സിഖ്​ മുഖ്യമന്ത്രി അല്ലെങ്കിൽ അതിന്‍റെ പ്രത്യാഘാതങ്ങളു​ണ്ടാകുമെന്നും അംബിക സോണി നേതൃത്വത്തെ അറിയിച്ചതായി പാർട്ടി വൃത്തങ്ങൾ പറയുന്നു.

പഞ്ചാബിൽ പാർട്ടി നേതൃത്വത്തിന്‍റെ നിർദേശത്തെ തുടർന്ന്​ മൂന്ന്​ രാഷ്​ട്രീയ നിരീക്ഷകർ എല്ലാ എം.എൽ.എമാരുമായും കൂടിക്കാഴ്​ച നടത്തുന്നുണ്ട്​. ഇതിൻറെ അടിസ്​ഥാനത്തിലായിരിക്കും മുഖ്യമ​​ന്ത്രിയെ തെരഞ്ഞെടുക്കുക.

തെരഞ്ഞെടുപ്പ്​ അടുത്തതിന്​ മുമ്പ്​ പാർട്ടി നേതൃത്വത്തിന്​ വന്ന പ്രതിസന്ധിയിൽ അതൃപ്​തരാണ്​ ഭൂരിഭാഗം നേതാക്കളുമെന്നാണ്​ വിവരം.

ശനിയാഴ്ചയാണ്​ ക്യാപ്​റ്റൻ അമരീന്ദർ സിങ്​ മുഖ്യമന്ത്രി സ്​ഥാനം രാജിവെച്ചത്​. ​തെരഞ്ഞെടുപ്പിൽ പഞ്ചാബിന്‍റെ ഗതി നിർണയിക്കുന്നതാകും കോൺഗ്രസിന്‍റെ അടുത്ത നീക്കം. എല്ലാവർക്കും സ്വീകാര്യനായ മുഖ്യമന്ത്രിയെയാണ്​ കോൺഗ്രസിന്​ ഇ​േപ്പാൾ ആവശ്യം.

'മുതിർന്ന നേതാക്കളായ ഹരീഷ്​ റാവത്ത്,​ അജയ്​ മാക്കൻ എന്നിവര​ുടെ നേതൃത്വത്തിൽ എല്ലാ എം.എൽ.എമാരുമായി ശനിയാഴ്​ച കൂടിക്കാഴ്ച നടത്തിയിരുന്നു. സോണിയ ഗാന്ധിയെടുക്കുന്ന തീരുമാനം അന്തിമമായിരിക്ക​ുമെന്ന്​ പ്രമേയം പാസാക്കുകയും ചെയ്​തു. ഞായറാഴ്ച അവരുടെ തീരുമാനം അറിയാനാകും' -പഞ്ചാബ്​ കോൺഗ്രസ്​ വർക്കിങ്​ പ്രസിഡന്‍റ്​ പവൻ ഗോയൽ പറഞ്ഞു.

മുൻ പഞ്ചാബ്​ കോൺഗ്രസ്​ തലവൻ സുനിൽ ജാക്കർ, അംബിക സോണി, പാർട്ടി സംസ്​ഥാന തലവൻ നവജ്യോത്​ സിങ്​ സിധു, മന്ത്രി സുഖ്​ജീന്ദർ സിങ്​ രന്ദാവ തുടങ്ങിയവയാണ്​ മുഖ്യമന്ത്രി സ്​ഥാനത്തേക്ക്​ ഉയർന്നുകേൾക്കുന്ന പേരുകൾ. അംബിക സോണി മുഖ്യമന്ത്രി സ്​ഥാന വാഗ്​ദാനം നിരസിക്കുകയും ചെയ്​തു. ഇവർക്ക്​ പുറമെ തൃപ്​ത്​ രജീന്ദർ സിങ്​ ബജ്​വ, കോൺഗ്രസ്​ എം.പി പ്രതാബ്​ സിങ്​ ബജ്​വ എന്നിവരുടെ പേരുകളും ഉയർന്നുകേൾക്കുന്നുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Amarinder SinghPunjab CongressAmbika SoniRahul Gandhi
News Summary - Ambika Soni Refuses Punjab Chief Minister Post After Meeting Rahul Gandhi
Next Story