അംബേദ്​കറിന്​ ഭാരത്​ രത്​ന നൽകിയത്​ നല്ല മനസോടെയല്ല- ഉവൈസി

കല്ല്യാൺ(മഹാരാഷ്​ട്ര): രാജ്യത്തി​​​െൻറ പരമോന്നത ബഹുമതിയായ ഭാരത്​ രത്​ന ഭരണഘടന ശിൽപിയായ ഡോ.ബി.ആർ അംബേദ്​കറി ന്​ നൽകിയത്​ പൂർണ മനസോടെ അല്ലെന്ന്​ആൾ ഇന്ത്യ മജ്​ലിസെ ഇത്തിഹാദുൽ മുസ്​ലിമീൻ അധ്യക്ഷൻ അസദുദ്ദീൻ ഉവൈസി. ബാബാ സ ാഹേബ്​ അബേദ്​കറിന്​ ഭാരത്​ രത്​ന നൽകിയത്​ നിർബന്ധത്തിന്​ വഴങ്ങിയല്ല. എന്നാൽ താൽപര്യത്തോടെയോ പൂർണ മനസോടെയോ ആയിരുന്നില്ല അദ്ദേഹത്തെ ആദരിച്ചതെന്നും ഉവൈസി പറഞ്ഞു.

ഇതുവരെ എത്ര ദലിത്​, ആദിവാസി, മുസ്​ലിം വിഭാഗക്കാർക്കും പാവങ്ങൾക്കും ഭാരത്​ രത്​ന നൽകി? ബ്രാഹ്മണരും ഉന്നത ജാതിക്കാരുമായ എത്ര പേർ പുരസ്​കാരത്തിന്​ അർഹരായെന്നും അദ്ദേഹം ചോദിച്ചു. വാഞ്ചിത്​ ബഹുജൻ സഭയിൽ സംസാരിക്കുകയായിരുന്നു ഉവൈസി.

മുൻ രാഷ്​ട്രപതി പ്രണബ്​ മുഖർജി, ഗായകൻ ഭൂപൻ ഹസാരിക, സാമൂഹിക പ്രവർത്തകൻ നാനാജി ദേശ്​മുഖ്​ എന്നിവരെ ഇൗ വർഷം ഭാരത രത്​ന നൽകി ആദരിച്ചിരുന്നു.