Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅംബാനിക്ക്​ ഭീഷണി:...

അംബാനിക്ക്​ ഭീഷണി: കാറുടമയുടേത്​ കൊലപാതകമെന്ന്​ എ.ടി.എസ്​

text_fields
bookmark_border
Mukesh Ambani, Mansukh Hiren
cancel

മുംബൈ: മുകേഷ്​ അംബാനിയുടെ വീടിനടുത്ത്​ സ്​ഫോടക വസ്​തുക്കളുമായി നിർത്തിയിട്ട സ്​കോർപിയോയുടെ ഉടമ മൻസുഖ്​ ഹിരേനെ ആസൂത്രിതമായി കൊലപ്പെടുത്തിയതാണെന്ന്​ മഹാരാഷ്​ട്ര ഭീകര വിരുദ്ധസേന (എ.ടി.എസ്​)യുടെ നിഗമനം. ടവ്വലുകൾ വായിൽ തിരുകി അതിനു മുകളിൽ കോവിഡ്​ പ്രതിരോധ മാസ്​കിട്ട നിലയിലാണ്​ താണെയിലെ രേതി ബന്ദർ കടലിടുക്കിൽ നിന്ന്​ മൃതദേഹം കണ്ടെത്തിയത്​.

കൊലയാളികളുടെ ആസൂത്രണം പാളിയതിനാലാണ്​ താമസംവിനാ മൃതദേഹം കാണപ്പെട്ടതെന്നാണ്​ എ.ടി.എസിന്‍റെ നിഗമനം. അപ്രതീക്ഷിതമായി വേലിയിറക്കമുണ്ടായതിനാൽ മൃതദേഹം മുങ്ങുകയൊ ഒലിച്ചുപോകുകയൊ ചെയ്​തില്ല. വെള്ളം കയറി മൃതദേഹം പെട്ടെന്ന്​ ചീർക്കുകയും പൊങ്ങുകയും ചെയ്യാതിരിക്കാനാണ്​ വായിൽ ടവ്വലുകൾ തിരുകിയതെന്നും കരുതുന്നു. ഹിരേന്‍റെ മൃതദേഹം ദൂരെ നിന്ന്​ ഒലിച്ചെത്തിയതല്ലെന്ന്​ വ്യക്​തമായിട്ടുണ്ട്​.

ഹിരേനെ കാണാതായ വ്യാഴാഴ്​ച രാത്രി 10ന്​ അദ്ദേഹത്തിന്‍റെ ഒരു മൊബൈൽ 40 കിലോമീറ്റർ അകലെയുള്ള വസായിലെ ഒരു ഗ്രാമത്തിൽവെച്ചും മറ്റൊരു മൊബൈൽ ഇൗ പ്രദേശത്ത്​ നിന്ന്​ 10 കിലോമീറ്റർ കൂടി അകലെയുള്ള തുംഗരേശ്വറിൽ വെച്ചുമാണ്​ പ്രവർത്തനം നിലച്ചത്​. ഇത്​ ഹിരേൻ അതുവഴി പോയെന്ന്​ തെറ്റിദ്ധരിപ്പിക്കാൻ കൊലയാളികൾ ബോധപൂർവ്വം ചെയ്​തതാണെന്നും എ.ടി.എസ്​ സംശയിക്കുന്നു. മൊബൈലുകൾ ഇതുവരെ കണ്ടെത്തിയിട്ടില്ല.

കൈംബ്രാഞ്ച്​ ഉദ്യോഗസ്​ഥൻ താവ്​ഡെ എന്നവകാശപ്പെട്ട് ഒരാൾ വ്യാഴാഴ്ച രാതി എട്ടിന് ഹിരേനെ േഫാണിൽ വിളിച്ചിരുന്നു. അയാളെ കാണാൻ പോയ ഹിരേൻ പിന്നെ തിരിച്ചു വന്നില്ല​. ഹിരേന്‍റെ ഭാര്യ വിമല നൽകിയ പരാതിയിൽ ഞായറാഴ്​ചയാണ്​ എ.ടി.എസ്​ അജ്ഞാതർക്കെതിരെ കൊലപാതകത്തിന്​ കേസെടുത്തത്​. താനെ പൊലിസിൽ നിന്ന്​ കേസ്​ മഹാരാഷ്​ട്ര സർക്കാർ എ.ടി.എസിന്​ കൈമാറുകയായിരുന്നു.

കഴിഞ്ഞ 25ന്​ വൈകീട്ടണ്​ മുകേഷ്​ അംബാനിയുടെ വീടിനടുത്ത്​ 20 ജലാറ്റിൻ സ്​റ്റിക്കുകളും ഭീഷണി കത്തും അംബാനിയുടെ സുരക്ഷാ വാഹനവ്യൂഹങ്ങളുടെ നമ്പർ പ്ലേറ്റുകളുമായി ഉപേക്ഷിച്ച നിലയിൽ സ്​കോർപിയോ കണ്ടെത്തിയത്​. സ്​കോർപിയോ മൻസുഖ്​ ഹിരന്‍റേതാണെന്ന്​ വ്യക്​തമായതോടെ പൊലിസ്​ അദ്ദേഹത്തെ ചോദ്യം ചെയ്​തിരുന്നു. കഴിഞ്ഞ 17ന്​ മുംബൈയിലേക്കുള്ള യാത്രമധ്യേ കാറ്​ കേടുവരികയും െഎരോളി പാലത്തിനടുത്ത്​ നിറുത്തിടുകയും ചെയ്​തതായിരുന്നുവെന്നും പിന്നീട്​ കാണാതായെന്നുമാണ്​ മൻസുഖ്​ ഹിരേൻ മൊഴി നൽകിയത്​. വാഹനം കാണാതായതുമായി ബന്ധപ്പെട്ട്​ ഹിരേൻ നൽകിയ പരാതിയും എ.ടി.എസ്​ അന്വേഷിക്കുന്നുണ്ട്.

കാണാതാകുന്നതിന്​ തൊട്ടുമുമ്പ്​, കേസിൽ പ്രതിയെന്നോണം പൊലിസുകാരും മാധ്യമ പ്രവർത്തകരും പെരുമാറുന്നുവെന്നും ഉപദ്രവിക്കുന്നുവെന്നും ആരോപിച്ച്​ മുഖ്യമന്ത്രിക്കും ആഭ്യന്തര മന്ത്രിക്കും ഹിരേൻ കത്തെഴുതിയിരുന്നു. അംബാനിയുടെ വീടിനുമുന്നിൽ സ്​ഫോടക വസ്​തുക്കളുമായി സ്​കോർപിയോ കണ്ടെത്തിയ കേസ്​ കേന്ദ്ര ആഭ്യന്തര മന്ത്രാലയം തിങ്കളാഴ്​ച ദേശീയ അന്വേഷണ ഏജൻസിക്ക്​ (എൻ.െഎ.എ) കൈമാറി.

Show Full Article
TAGS:Mukesh Ambani Mansukh Hiren bomb threat Case reliance industries 
News Summary - Ambani threatened: ATS says car owner's murder
Next Story