ആമസോണിലും ഫ്ലിപ്പ്​കാർട്ടിലും ഇനിമുതൽ ഫ്ലാഷ്​ സെയിൽസ്​ ഉണ്ടാകില്ല

ന്യൂഡൽഹി: കേന്ദ്ര സർക്കാറി​െൻറ പുതിയ വ്യാപാരനയത്തിൽ ഫ്ലിപ്പ്​കാർട്ട്​, ആമസോൺ ഉൾപ്പെടെയുള്ള ഇ-കൊമേഴ്​സ്​ ഭീമൻമാർക്ക്​ കർശന നിയന്ത്രണങ്ങൾ കൊണ്ടുവരും. ഇനിമുതൽ ഇ -കൊമേഴ്​സ്​ വെബ്​സൈറ്റുകളിലെ ഉൽപ്പന്നങ്ങൾക്ക്​ ഫ്ലാഷ്​ സെയിൽസ്​ ഉണ്ടാകില്ല. ഉ​പഭോക്തൃ സംരക്ഷണത്തിനായി ജൂൺ ആറിനകം അഭിപ്രായങ്ങളും നിർദേശങ്ങളും അറിയിക്കണമെന്ന്​ ഉപഭോക്തൃവകുപ്പ്​ ആവശ്യപ്പെട്ടിരുന്നു. ഇതി​െൻറ അടിസ്​ഥാനത്തിലാകും പുതിയ ഭേദഗതി.

വർഷം മുഴുവൻ വാൾമാർട്ടി​െൻറ ഉടമസ്​ഥതയിലുള്ള ഫ്ലിപ്പ്​കാർക്കും ആമസോണും ഫ്ലാഷ്​ വിൽപ്പനകൾ സംഘടിപ്പിച്ചിരുന്നു. ഉപഭോക്താക്കൾക്ക്​ കുറഞ്ഞ നിരക്കിൽ ഉൽപ്പന്നങ്ങൾ ഇതുവഴി ലഭ്യമാകും. ഇത്തരം ഫ്ലാഷ്​ വിൽപ്പന ചെറുകിട കച്ചവടക്കാരെ നഷ്​ടത്തിലാക്കിയിരുന്നു. തുടർന്നാണ്​ ഇവ നിരോധിക്കാനുള്ള സർക്കാർ തീരുമാനം.

ഒാൺലൈൻ വ്യാപാരത്തിലെ വഞ്ചനക്കും തട്ടിപ്പിനുമെതിരെയും കൂടാതെ അധാർമിക വ്യാപാര രീതിക്കെതിരെയും നിരവധി ഉപഭോക്താക്കളിൽനിന്നും വ്യാപാരികളിൽനിന്നും അസോസിയേഷനുകളിൽനിന്നും എണ്ണമറ്റ പരാതികളും സർക്കാറിന്​ ലഭിച്ചിരുന്നു. ഇതും തീരുമാനത്തിന്​ കാരണമായതായാണ്​ വിവരം.

ദീപാവലി, റിപ്പബ്ലിക്​ ദിനം തുടങ്ങിയ വിശേഷ ദിവസങ്ങളിൽ ആമസോണും ഫ്ലിപ്പ്​കാർട്ടും ഫ്ലാഷ്​ സെയിൽസ്​ സംഘടിപ്പിച്ചിരുന്നു. വൻതോതിൽ ഉപഭോക്താക്കൾ കുറഞ്ഞ നിരക്കിൽ ഫോണുകൾ ഉൾപ്പെടെയുള്ള ഉൽപ്പന്നങ്ങൾ വാങ്ങിക്കൂട്ടിയിരുന്നു. ഇതിനെതിരെയാണ്​ ചെറുകിട കച്ചവടക്കാരുടെ പരാതി. ഇ -​കൊമേഴ്​സ്​ വ്യാപാരത്തിൽ സുതാര്യത കൊണ്ടുവരാനാണ്​ സർക്കാറി​െൻറ ലക്ഷ്യമെന്നും മന്ത്രാലയം പുറത്തിറക്കിയ കുറിപ്പിൽ പറയുന്നു.