ബുർഹാൻവാനിയുടെ ചരമവാർഷികം: ഞായറാഴ്​ച ജമ്മുവിൽ നിന്ന്​ അമർനാഥ്​ തീർഥാടകർക്ക്​ യാത്രാ വിലക്ക്​

ജമ്മു: ജമ്മുവിൽ നിന്നുള്ള അമർനാഥ്​ തീർത്ഥാടകരുടെ ഞായറാഴ്​ചത്തെ യത്രക്ക്​  അധികൃതർ വിലക്കേർപ്പെടുത്തി. ഹിസ്​ബുൾ മുജാഹിദ്ദീൻ കമാൻറർ ബുർഹാൻവാനിയുടെ രണ്ടാം ചരമവാർഷികത്തോടനുബന്ധിച്ച്​ കശ്​മീരിലുടനീളം വിഘടനവാദികളുടെ സമരം നടക്കുന്നതി​​​െൻറ പശ്ചാത്തലത്തിലാണ്​ യാത്രാവിലക്ക്​. 

ശനിയാഴ്​ച സുരക്ഷാസേനയുമായുള്ള സംഘർഷത്തിൽ  മൂന്ന്​ സിവിലിയൻമാർ കൊല്ലപ്പെട്ടിരുന്നു. ഇതും യാത്രാ വിലക്കേർപ്പെടുത്തുന്നതിന്​ കാരണമായി. ജമ്മുവിലെ യാത്രി നിവാസ്​ ബേസ്​ കാമ്പിൽ നിന്ന്​ പുതിയ തീർത്ഥാടകരെ ആരെയും ഞായറാഴ്​ച അമർനാഥിലേക്ക്​ വിടില്ലെന്നും ബാൽത്തലിലും പഹൽഗാമിലും നേരത്തേ എത്തിച്ചേർന്നവരെമാത്രമേ ഗുഹാ ക്ഷേത്രത്തിലേക്ക്​ കടത്തി വിടൂ എന്നും അധികൃതർ വ്യക്തമാക്കി.

 കഴിഞ്ഞ വർഷം അനന്ത്​നാഗിൽ തീർത്ഥാടകരു​ടെ ബസിനു നേരെയുണ്ടായ തീവ്രവാദികളുടെ ആക്രമണത്തിൽ ഏഴു പേർ കൊല്ലപ്പെട്ടിരുന്നു.