Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅമരീന്ദർ സിങ്​ അജിത്​...

അമരീന്ദർ സിങ്​ അജിത്​ ഡോവലുമായി കൂടിക്കാഴ്ച നടത്തി

text_fields
bookmark_border
അമരീന്ദർ സിങ്​ അജിത്​ ഡോവലുമായി കൂടിക്കാഴ്ച നടത്തി
cancel

ന്യൂഡൽഹി: പഞ്ചാബ്​ മുൻ മുഖ്യമന്ത്രി അമരീന്ദർ സിങ്​ ദേശീയ സുരക്ഷാ ഉപദേഷ്​ടാവ്​ അജിത്​ ഡോവലുമായി കൂടിക്കാഴ്ച നടത്തി. കേന്ദ്ര ആഭ്യന്തര മന്ത്രി അമിത്​ ഷായുമായി കൂടിക്കാഴ്ച നടത്തിയതിന്​ പിന്നാലെയാണ്​ അമരീന്ദർ ഇന്ന്​ ഡോവലിനേയും കണ്ടത്​. അമരീന്ദർ ബി.ജെ.പിയിലെത്തുമെന്ന അഭ്യൂഹങ്ങൾക്കിടെയാണ്​ അമിത്​ ഷാ, അജിത്​ ഡോവൽ എന്നിവരുമായുള്ള കൂടിക്കാഴ്ച.

ബുധനാഴ്ച രാത്രി അമിത്​ ഷായുമായി ഒരു മണിക്കൂറോളം അമരീന്ദർ സിങ്​ ചർച്ച നടത്തിയിരുന്നു. മുഖ്യമന്ത്രി സ്ഥാനം രാജിവെച്ചതിന്​ പിന്നാലെ മുതിർന്ന കോൺഗ്രസ്​ നേതാക്കളായ​ അംബിക സോണി, കമൽനാഥ്​ എന്നിവർ അമരീന്ദറിനെ ബന്ധപ്പെടാൻ ശ്രമിക്കുന്നുണ്ട്.

ചൊവ്വാഴ്ച ഡൽഹിയിലെത്തിയപ്പോൾ ബി.ജെ.പി നേതാക്കളുമായി കൂടിക്കാഴ്ച നടത്തുമെന്ന വാർത്തകൾ അമരീന്ദർ നിഷേധിച്ചിരുന്നു. പിന്നീട്​ ബുധനാഴ്ച രാത്രി അമിത്​ ഷായുമായി അദ്ദേഹം കൂടിക്കാഴ്ച നടത്തുകയായിരുന്നു. കർഷക പ്രതിഷേധത്തെ കുറിച്ച്​ ചർച്ച ചെയ്യാനാണ്​ അമിത്​ ഷായെ ക​ണ്ടതെന്നാണ്​ അമരീന്ദറിന്‍റെ വിശദീകരണം.

Show Full Article
TAGS:Amarinder Singh Ajit Doval 
News Summary - Amarinder Singh Meets National Security Advisor Ajit Doval Day After His Meeting With Amit Shah
Next Story