മയക്കുമരുന്ന്​ പരിശോധന: ​െവല്ലുവിളി ഏറ്റെടുത്ത്​ അമരീന്ദർ സിങ്​

ചണ്ഡിഗഡ്​:  സർക്കാർ ഉദ്യോഗസ്ഥർ നിർബന്ധമായും മയക്കുമരുന്നു പരിശോധനക്ക്​ വിധേയനകാണമെന്ന ഉത്തരവിന്​ പിറകെ പരിശോധനക്ക്​ തയാറായി പഞ്ചാബ്​ മുഖ്യമന്ത്രി ക്യാപ്​റ്റൻ അമരീന്ദർ സിങ്​. പൊലീസ്​ ഉദ്യോഗസ്ഥർ ഉൾപ്പെടെ സർക്കാർ ജീവനക്കാർ നിർബന്ധമായും മയക്കുമരുന്ന്​ പരിശോധനക്ക്​ വിധേയരാകണമെന്ന മുഖ്യമന്ത്രിയുടെ ഉത്തരവ്​ വിവാദമായിരുന്നു. എന്തുകൊണ്ട്​ നിയമസഭാംഗങ്ങ​ൾക്കും മന്ത്രിസഭാംഗങ്ങൾക്കും​ മയക്കുമരുന്ന്​ പര​ിശോധന നിർബന്ധമാക്കുന്നില്ലെന്നും ചോദ്യം ഉയർന്നിരുന്നു. എന്നാൽ അതിൽ തെറ്റൊന്നുമില്ലെന്നും വാർഷിക ആരോഗ്യ പരിശോധനയിൽ മയക്കുമരുന്ന്​ ടെസ്​റ്റ്​ ഉൾപ്പെടുത്താമെന്നായിരുന്നു അമരീന്ദർ സിങ്ങി​​െൻറ വാദം. 

മയക്കുമരുന്നു പരിശോധന നടത്താൻ തയാറാ​ണ്​. അത്​ ഉചിതമാണെന്നും തോന്നുന്നു. അത്തരം ഒരു പരിശോധന നടത്തുന്നതിൽ പ്രശ്​നമൊന്നുമില്ല. അത്​ നല്ലാതാണോയെന്ന്​ സ്വയം തീരുമാനിക്കേണ്ടതാണെന്നും  അമരീന്ദർ സിങ്​ ട്വിറ്ററിൽ കുറിച്ചു. 
മയക്കുമരുന്നു കടത്ത്​ കേസിൽ ​പ്രതികളാകുന്നവർക്ക്​ വധശിക്ഷ വിധിക്ക​ാൻ നിയമഭേദഗതി വരുത്താനും സർക്കാർ ഉദ്യോഗസ്ഥർ ഉൾപ്പെടെയുള്ളവർക്ക്​ മയക്കു മരുന്നു പരിശോധന നിർബന്ധമാക്കാനും കഴിഞ്ഞയാഴ്​ച​ മുഖ്യമന്ത്രി ഉത്തരവിട്ടിരുന്നു.