ചൈനയിൽ നിന്നും സ്വരൂപിച്ച 32.13 ലക്ഷം കണ്ണന്താനം മുഖ്യമന്ത്രിക്ക് കൈമാറും

ഷാങ്ഹായ് (ചൈന): വിനോദസഞ്ചാര പ്രചരണാർത്ഥം ചൈനയിലുള്ള കേന്ദ്ര ടൂറിസം സഹ മന്ത്രി അൽഫോൺസ് കണ്ണന്താനം ചൈനയിലെ ഷാങ്ഹായിയിൽ താമസമാക്കിയിരിക്കുന്ന ഇന്ത്യക്കാരിൽ നിന്നും പ്രളയ ദുരിതാശ്വാസത്തിന് വേണ്ടി 3,213,029 രൂപ സ്വരൂപിച്ചു. കേന്ദ്ര മന്ത്രി ചൈനയിൽ നിന്ന് മടങ്ങിയെത്തുമ്പോൾ മുഖ്യമന്ത്രിയുടെ ദുരിതാശ്വാസ നിധിയിലേക്ക് സ്വരൂപിച്ച ഈ തുക കേരള മുഖ്യമന്ത്രിക്ക് കൈമാറുമെന്നറിയിച്ചിട്ടുണ്ട്.

കേരളത്തിലെ പ്രളയബാധിതരെ സഹായിക്കാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയ ഷാങ്ഹായിലെ ഇന്ത്യക്കാർക്കും ചൈനയിലെ ഇന്ത്യൻ കോൺസുലേറ്റ് ജനറലിനും കേന്ദ്ര മന്ത്രി അൽഫോൺസ് നന്ദി അറിയിച്ചു.