അലഹാബാദ്​ ‘പ്രയാഗ്​രാജ്​’ ആകുന്നു

ലഖ്​നോ: ഹിന്ദുത്വവാദികളുടെ ദീർഘകാലത്തെ ആവശ്യം പരിഗണിച്ച്​ ലോക പ്രശസ്​തമായ അലഹാബാദ്​ നഗരത്തി​​​െൻറ പേരുമാറ്റുന്നു. ഉത്തർപ്രദേശ്​ മുഖ്യമന്ത്രി യോഗി ആദിത്യനാഥാണ്​ അടുത്തവർഷം ജനുവരിയിൽ നടക്കാനിരിക്കുന്ന കുംഭമേളക്ക്​ മുമ്പ്​ അലഹാബാദിനെ ‘പ്രയാഗ്​രാജ്​’ എന്നാക്കുമെന്ന്​ പ്രഖ്യാപിച്ചത്​.

അലഹാബാദി​​​െൻറ പൗരാണിക നാമം ‘പ്രയാഗ്​’ എന്നായിരുന്നുവെന്നും 16ാം നൂറ്റാണ്ടിൽ മുഗൾ ചക്രവർത്തി അക്​ബർ ഗംഗ, യമുന നദികളുടെ സംഗമസ്​ഥാനത്ത്​ ത​​​െൻറ കോട്ട നിർമിക്കുകയും ചുറ്റുമുള്ള പ്രദേ​ശത്തിന്​ ഇലഹാബാദ്​ എന്ന്​ പേരിടുകയും ചെയ്​തു. പിന്നീട്,​ അക്​ബറി​​​െൻറ പൗത്രൻ ഷാജഹാൻ വീണ്ടും പേരുമാറ്റി അലഹാബാദ്​ എന്നാക്കുകയായിരുന്നു. ബ്രഹ്മാവ്​ ആദ്യമായി യജ്​ഞം നടത്തിയയിടമാണ്​ പ്രയാഗ്​ എന്നും യോഗി പറഞ്ഞു.

യോഗി അധികാരത്തിലെത്തിശേഷം യു.പിയിലെ മുഗൾസരായ്​ ജങ്​ഷനെ പണ്ഡിറ്റ്​ ദീനദയാൽ ഉപാധ്യായ ജങ്​ഷൻ എന്നും പ്രദേശത്തെ പണ്ഡിറ്റ്​ ദീനദയാൽ ഉപാധ്യായ നഗർ എന്നും പേരു മാറ്റിയിരുന്നു. ആർ.എസ്​.എസി​​​െൻറ താത്വികാചാര്യനാണ്​ ദീനദയാൽ ഉപാധ്യായ. കഴിഞ്ഞവർഷം സംസ്​ഥാനത്തെ വിവിധ അഖാഡകൾ ​അലഹാബാദി​​​െൻറ പേര്​ മാറ്റണമെന്നാവശ്യപ്പെട്ട്​ മുഖ്യമന്ത്രിയെ സമീപിച്ചിരുന്നു.