Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightകശ്​മീരിൽ...

കശ്​മീരിൽ പോസ്​റ്റ്​പെയ്​ഡ്​ മൊബൈൽ സേവനം തിങ്കളാഴ്​ച പുനഃരാരംഭിക്കും

text_fields
bookmark_border
കശ്​മീരിൽ പോസ്​റ്റ്​പെയ്​ഡ്​ മൊബൈൽ സേവനം തിങ്കളാഴ്​ച  പുനഃരാരംഭിക്കും
cancel

ശ്രീനഗർ: കശ്​മീരിൽ എല്ലാ പോസ്​റ്റ്​പെയ്​ഡ്​ മൊബൈൽ സേവനം തിങ്കളാഴ്​ച മുതൽ പുനഃരാരംഭിക്കുമെന്ന്​ ജമ്മു കശ്​മീർ പ്രിൻസിപ്പൽ സെക്രട്ടറി രോഹിത്​ കൻസാൽ. തിങ്കളാഴ്​ച ഉച്ചയോടെ മൈബൈൽ നെറ്റ്​വർക്ക്​ ലഭിച്ചു തുടങ്ങും. മൊബൈൽ ​നെറ്റ്​വർക്ക്​ ദാതാക്കളോട്​ കശ്​മീർ പ്രവിശ്യയിലെ 10 ജില്ലകളിലും സർവീസ്​ പുനഃരാരംഭിക്കാൻ നിർദേശം നൽകിയതായും രോഹിത്​ കൻസാൽ അറിയിച്ചു.

സർവീസ്​രണ്ടുമാസത്തിലേറെയായി കശ്​മീരിൽ തടസപ്പെട്ട മൊബൈൽ സേവനങ്ങളാണ്​ പുനഃസ്ഥാപിക്കുന്നത്​. എന്നാൽ മൊബൈലിൽ ഇൻറർനെറ്റ്​ സേവനം ലഭിക്കുന്നതിന്​ കൂടുതൽ കാത്തിരിക്കേണ്ടിവരും.

കശ്​മീരിന്​ പ്രത്യേക അധികാരങ്ങൾ നൽകുന്ന ആർട്ടിക്കൾ 370 എടുത്ത്​ കളഞ്ഞതിന്​ പിന്നാലെയാണ്​ മൊബൈൽ സേവനം റദ്ദാക്കിയത്​. നിയന്ത്രണങ്ങൾ ഇളവു ചെയ്യുന്നതി​​​െൻറ ഭാഗമായി ലാൻഡ്​ ഫോൺ സർവീസ്​ നേരത്തെ പുനഃസ്ഥാപിച്ചിരുന്നു.

വിനോദസഞ്ചാരികൾക്കായി കശ്​മീർ തുറന്ന്​ കൊടുത്തതിന്​ പിന്നാലെയാണ്​ പോസ്​റ്റ്​പെയ്​ഡ്​ ​മൊബൈൽ സർവീസുകൾ അനുവദിക്കാനുള്ള തീരുമാനം. കശ്​മീരിൽ മൊബൈൽ സേവനം ഇല്ലാതെ ആരും വിനോദസഞ്ചാരത്തിന്​ എത്തില്ലെന്ന്​ ടൂറിസം രംഗത്ത്​​ പ്രവർത്തിക്കുന്നവർ കേന്ദ്രസർക്കാറിനെ അറിയിച്ചിരുന്നു.

Show Full Article
TAGS:Postpaid mobile phones Restored jammu kashmir india news 
Next Story