േഗാവയിൽ ഖനനം നിരോധിച്ച്​ സുപ്രീംകോടതി 

പനാജി: ഗോവയിലെ ഇരുമ്പയിര്​ ഖനികളുടെ പ്രവർത്തനം സു​പ്രീംകോടതി നിരോധിച്ചു. സംസ്ഥാനത്ത്​  മാർച്ച്​ 15 മുതൽ ഖനനം പാടില്ലെന്ന്​ സുപ്രീംകോടതി ഉത്തരവിട്ടു. 
ഗോവയിലെ 89 ഇരുമ്പയിര്​ ഖനികൾക്ക്​ ലേലത്തിനുള്ള അനുമതി തേടികൊണ്ടുള്ള അപേക്ഷക്കെതിരെ ഗോവ ഫൗണ്ടേഷൻ നൽകിയ പൊതു താൽപര്യ ഹരജിയിലാണ്​ സുപ്രീംകോടതി വിധി. 

പുതിയ ഖനന നിയമം പ്രാബല്യത്തിൽ വരുന്നതിന്​ തൊട്ടുമുമ്പ്​, 2015ലാണ്​ ബി.ജെ.പി സർക്കാർ ഖനികളുടെ ലൈസൻസ്​ പുതുക്കി നൽകിയത്​. ഇരുമ്പയിര്​ ഖനികളുടെ പ്രവർത്താനനുമതി നീട്ടി നൽകണമെന്നത്​  ഗോവ സർക്കാർ കോടതിയിൽ എതിർത്തു. നിയമപ്രകാരം ഖനികളുടെ പാട്ടകരാർ 2020 വരെ നീട്ടിയിട്ടുണ്ടെന്നും സർക്കാർ അറിയിച്ചു. എന്നാൽ 2020 വരെ ഖനനം പാടില്ലെന്നും ലൈസൻസ്​ നീട്ടിയതിൽ പ്രത്യേക  സംഘം അന്വേഷിക്കണമെന്നും ഖനി പാട്ടം നൽകിയവരിൽ നിന്നും പിഴ ഇൗടാക്കണമെന്നും ജസ്​റ്റിസ്​ മദൻ ബി ലോകുർ അധ്യക്ഷനായ ഡിവിഷൻ ബെഞ്ച്​ ഉത്തരവിട്ടു.