ലൈവ്ഏറ്റുമുട്ടൽ: നൗഷാദിനെയും മുസ്​തഖീമിനെയും കൊന്നശേഷമെന്ന്​ ഉമ്മമാർ

ന്യൂ​ഡ​ൽ​ഹി: അ​ലീ​ഗ​ഢി​ലെ നൗ​ഷാ​ദി​നെ​യും മു​സ്​​ത​ഖീ​മി​നെ​യും നാ​ലു​ദി​വ​സം മു​മ്പ് പൊ​ലീ​സ്​ വീ​ട്ടി ​ൽ​നി​ന്ന്​ പി​ടി​ച്ചു​കൊ​ണ്ടു​പോ​യി ​കൊ​ല​പ്പെ​ടു​ത്തി​യ​ശേ​ഷം മാ​ധ്യ​മ​ങ്ങ​ൾ​ക്ക്​ മു​മ്പാ​കെ ‘ലൈ​വ്​ ഏ​റ്റു​മു​ട്ട​ൽ’ നാ​ട​കം ഒ​രു​ക്കു​ക​യാ​യി​രു​ന്നു​വെ​ന്ന്​ ഇ​രു​വ​രു​ടെ​യും ഉ​മ്മ​മാ​ർ വാ​ർ​ത്ത​സ​മ്മേ​ള​ന​ത്തി​ൽ വെ​ളി​പ്പെ​ടു​ത്തി. ഇൗ​മാ​സം 16ന്​ ​പി​ടി​ച്ചു​കൊ​ണ്ടു​പോ​യ മ​ക്ക​ളെ ​തി​ര​ഞ്ഞ്​ പൊ​ലീ​സ്​ സ്​​റ്റേ​ഷ​നി​ൽ ചെ​ന്നി​ട്ടും ഒ​രി​ക്ക​ൽ​പോ​ലും കാ​ണി​ച്ചു​ത​ന്നി​ല്ലെ​ന്നും ഒ​ടു​വി​ൽ 20ന്​ ​അ​വ​രെ ഞ​ങ്ങ​ൾ കൊ​ല​പ്പെ​ടു​ത്തി​യെ​ന്ന്​ അ​റി​യി​ക്കു​ക​യാ​യി​രു​ന്നു​വെ​ന്നും ഉ​മ്മ​മാ​ർ ക​ര​ഞ്ഞു​പ​റ​ഞ്ഞു. മ​യ്യി​ത്ത്​ കു​ളി​പ്പി​ക്കാ​നോ ന​മ്​​സ​ക​രി​ക്കാ​നോ പോ​ലും അ​നു​വ​ദി​ച്ചി​രു​ന്നി​ല്ല. യു​നൈ​റ്റ​ഡ്​ എ​ഗ​ൻ​സ്​​റ്റ്​ ഹെ​യ്​​റ്റി​​​​െൻറ വ​സ്​​തു​താ​ന്വേ​ഷ​ണ സം​ഘ​ത്തോ​ടൊ​പ്പ​മാ​ണ്​ ഇ​രു​വ​രും ന്യൂ​ഡ​ൽ​ഹി പ്ര​സ്​​ക്ല​ബി​ൽ വാ​ർ​ത്ത​സ​മ്മേ​ള​നം ന​ട​ത്തി​യ​ത്.

ഹാ​ജി ഇം​റാ​ൻ എ​ന്ന​യാ​ളു​ടെ തു​ണി​ക്ക​ട​യി​ൽ ജോ​ലി ചെ​യ്യു​ക​യാ​യി​രു​ന്നു മു​സ്​​ത​ഖീം എ​ന്ന്​ മ​താ​വ്​ റ​ഫീ​ഖാ​ൻ പ​റ​ഞ്ഞു. ജീ​വി​ത​ത്തി​ലാ​ദ്യ​മാ​യാ​ണ്​ വീ​ട്ടി​ൽ പൊ​ലീ​സ്​ വ​രു​ന്ന​ത്. എ​ന്തോ ചോ​ദ്യം​ചെ​യ്യാ​നു​ണ്ടെ​ന്നും ഉ​ട​നെ വി​ട്ട​യ​ക്കു​മെ​ന്നും പ​റ​ഞ്ഞാ​ണ്​ മു​സ്​​ത​ഖീ​മി​നെ 16ന്​ ​െ​പാ​ലീ​സ്​ കൊ​ണ്ടു​പോ​യ​ത്. ഇ​തോ​ടൊ​പ്പം ബ​ന്ധു​വും അ​യ​ൽ​വാ​സി​യു​മാ​യ നൗ​ഷാ​ദി​നെ​യും (17), ബു​ദ്ധി​മാ​ന്ദ്യ​മു​ള്ള ന​ഫീ​സി​നെ​യും (23) ക​സ്​​റ്റ​ഡി​യി​ലെ​ടു​ത്തു. പി​ന്നീ​ട്​ 20ന്​ ​അ​വ​രെ ഞ​ങ്ങ​ൾ അ​വ​സാ​നി​പ്പി​ച്ചു എ​ന്നാ​ണ്​ പൊ​ലീ​സ്​ വി​ളി​ച്ച​റി​യി​ച്ച​ത്. തു​ട​ർ​ന്ന്​ മ​താ​ചാ​രം പോ​ലും പാ​ലി​ക്കാ​തെ പൊ​ലീ​സ്​ നി​ർ​ബ​ന്ധി​ച്ച്​ അ​ട​ക്കം ചെ​യ്യി​ക്കു​ക​യാ​ണു​ണ്ടാ​യ​െ​ത​ന്ന്​ നൗ​ഷാ​ദി​​​​െൻറ ഉ​മ്മ ഷ​ഹീ​ൻ പ​റ​ഞ്ഞു.

സം​ഭ​വ​ത്തി​നു​ശേ​ഷം ര​ണ്ട്​ കു​ടും​ബ​ങ്ങ​ളെ​യും വീ​ട്ടു​ത​ട​ങ്ക​ലി​ലാ​ക്കി​യ പൊ​ലീ​സ്​ ആ​രെ​യും ആ ​വീ​ട്ടി​ൽ ക​ട​ക്കാ​ൻ സ​മ്മ​തി​ക്കാ​തെ കാ​വ​ലി​രി​ക്കു​ക​യാ​ണ്. അ​യ​ൽ​പ​ക്ക​ത്തു​നി​ന്ന്​ ഭ​ക്ഷ​ണ​വു​മാ​യി വ​ന്ന​വ​രെ പോ​ലും തീ​വ്ര​വാ​ദ കേ​സി​ൽ​പ്പെ​ടു​ത്തു​മെ​ന്ന്​ ഭീ​ഷ​ണി​പ്പെ​ടു​ത്തി തി​രി​ച്ച​യ​​ച്ച​തോ​ടെ ശ​രി​ക്കും പ​ട്ടി​ണി​യി​ലാ​യെ​ന്നും അ​വ​ർ പ​റ​ഞ്ഞു.
കൊ​ല​പ്പെ​ടു​ത്തു​ന്ന​തി​ന്​ ഏ​ഴു മ​ണി​ക്കൂ​ർ മു​മ്പ്​ പൊ​ലീ​സ്​ ര​ജി​സ്​​റ്റ​ർ ചെ​യ്​​ത മോ​ഷ​ണ​ക്കേ​സാ​ണ്​ ഇ​വ​ർ ക്രി​മി​ന​ലു​ക​ളാ​ണെ​ന്ന​തി​ന്​ ആ​ദ്യം പ​റ​ഞ്ഞ ന്യാ​യീ​ക​ര​ണ​മെ​ന്ന്​ വ​സ്​​തു​താ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന ന​ദീം​ഖാ​ൻ പ​റ​ഞ്ഞു. പി​ന്നീ​ട് കൊ​ല​പ്പെ​ടു​ത്തി​യ​ശേ​ഷം വി​വി​ധ കേ​സു​ക​ളി​ൽ പ്ര​തി​യാ​ക്കു​ക​യാ​യി​രു​ന്നു​വെ​ന്നും ന​ദീം കൂ​ട്ടി​ച്ചേ​ർ​ത്തു.