Begin typing your search above and press return to search.
proflie-avatar
Login
exit_to_app
exit_to_app
അലിഗഢ്​ വാഴ്​സിറ്റിയിൽ 20 ദിവസത്തിനിടെ കോവിഡിൽ ​െപാലിഞ്ഞത്​ 16 അധ്യാപകർ
cancel
Homechevron_rightNewschevron_rightIndiachevron_rightഅലിഗഢ്​ വാഴ്​സിറ്റിയിൽ...

അലിഗഢ്​ വാഴ്​സിറ്റിയിൽ 20 ദിവസത്തിനിടെ കോവിഡിൽ ​െപാലിഞ്ഞത്​ 16 അധ്യാപകർ

text_fields
bookmark_border

ലഖ്​നോ: ഉത്തരേന്ത്യയിലെ മുൻനിര വിദ്യാഭ്യാസ സ്​ഥാപനമായ അലിഗഢ്​ മുസ്​ലിം യൂനിവേഴ്​സിറ്റിയിൽ കഴിഞ്ഞ 20 ദിവസത്തിനിടെ കോവിഡിന്​ കീഴടങ്ങിയത്​ 16 അധ്യാപകരും 10 വിരമിച്ചവരും. രാജ്യത്ത്​ ആദ്യമായി ഋഗ്വേദത്തിൽ ഡോക്​ടറേറ്റ്​ നേടി ശ്രദ്ധേയനായ മുൻ സംസ്​കൃത വിഭാഗം മേധാവി പ്രഫ. ഖാലിദ്​ ബിൻ യൂസുഫ്​ ഉൾപെടെ മരിച്ചവരിൽ പെടും. വൈസ്​ ചാൻസ്​ലർ താരിഖ്​ മൻസൂറിന്‍റെ മുതിർന്ന സഹോദരൻ ഉമർ ഫാറൂഖ്​ കഴിഞ്ഞ ദിവസം മരിച്ചിരുന്നു. ഇദ്ദേഹം യൂനിവേഴ്​സിറ്റി കോർട്ട്​ മുൻ അംഗവും മുഹമ്മദൻ എജുക്കേഷനൽ കോൺഫറൻസ്​ അംഗവുമായിരുന്നു. അധ്യാപകർ ഉൾപെടെ 16 പേർ യൂനിവേഴ്​സിറ്റിയി​െല ജവഹർലാൽ നെഹ്​റു മെഡിക്കൽ കോളജിൽ ചികിത്സയിലാണ്​.

മെഡിസിൻ വിഭാഗം ചെയർമാനായിരുന്ന പ്രഫ. ശദാബ്​ അഹ്​മദ്​ ഖാൻ, കമ്പ്യൂട്ടർ സയൻസ്​ വിഭാഗം പ്രഫസർ റഫീഖു സമാൻ എന്നിവർ വെള്ളിയാഴ്ചയാണ്​ മരണത്തിന്​ കീഴടങ്ങിയത്​. ബുധനാഴ്ചയായിരുന്നു​ മുൻ സംസ്​കൃത വിഭാഗം മേധാവി പ്രഫ. ഖാലിദ്​ ബിൻ യൂസുഫിന്‍റെ വിയോഗം. പോസ്റ്റ്​ ഹാർവെസ്റ്റ്​ എഞ്ചിനിയറിങ്​ വിഭാഗത്തിലെ പ്രഫ. മുഹമ്മദ്​ അലി ഖാൻ, പൊളിറ്റിക്കൽ സയൻസ്​ പ്രഫ. ഖാസി മുഹമ്മദ്​ ജംഷിദ്​, ഇൽമുൽ അദ്​വിയ വിഭാഗം ചെയർമാൻ ​ പ്രഫ. ഗുഫ്​റാൻ അഹ്​മദ്​, മ്യൂസിയോളജിയിലെ ഡോ. മുഹമ്മദ്​ ഇർഫാൻ, സ്​ത്രീ പഠന വിഭാഗത്തിലെ ഡോ. അസീസ്​ ഫൈസൽ, ഡോ. ജിബ്​രീൽ (ചരിത്ര വിഭാഗം), ഡോ. മുഹമ്മദ്​ യൂസുഫ്​ അൻസാരി (ഇംഗ്ലീഷ്​), ഡോ. മുഹമ്മദ്​ ഫുർഖാൻ സാംഭലി (ഉർദു), പ്രഫ. സയ്​ദ്​ ഇർഫാൻ അഹ്​മദ്​ (സുവോളജി) എന്നിവരാണ്​ കോവിഡിന്​ കീഴടങ്ങിയ മറ്റുള്ളവർ.

കോവിഡ്​ അനുബന്ധ പ്രശ്​നങ്ങൾ മൂർഛിച്ച്​ കഴിഞ്ഞ മാസം പ്രഫ. ഇഹ്​സാനുല്ല ഫഹദ്​, പ്രഫ. മൗല ബഖ്​ഷ്​ അൻസാരി തുടങ്ങിയവരും മരിച്ചിരുന്നു.

​മെഡിക്കൽ കോളജ്​ മുൻ പ്രിൻസിപ്പൽ പ്രഫ. എം മുബശ്ശിർ ഉൾപെടെ 10 മുൻ അധ്യാപകരും അലിഗഢിന്​ കോവിഡിൽ നഷ്​ടമായി.

സ്​ഥാപനത്തിന്‍റെ ഏറ്റവും മികച്ച അധ്യാപകരിൽ പലരെയും കോവിഡ്​ കൊണ്ടുപോയതായി സ്​ഥാപനത്തിന്‍റെ പബ്ലിക്​ റിലേഷൻസ്​ വിഭാഗം വക്​താവ്​ റാഹത്ത്​ അബ്​റാർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Aligarh Muslim UniversityCovidFaculty Members
News Summary - Aligarh Muslim University Loses 16 Serving Faculty Members In Last 20 Days
Next Story