അ​ൽ​ഖാ​ഇ​ദ അറസ്റ്റ്​: ഉ​ത്ത​ർ​പ്ര​ദേ​ശ്​ പൊ​ലീ​സി​​നെ വി​ശ്വ​സി​ക്കാനാകില്ലെന്ന്​ അ​ഖി​ലേ​ഷ്​; പൊലീസിനെ പിന്തുണച്ച്​ മായാവതി

ല​ഖ്​​നോ: സം​സ്​​ഥാ​ന​ത്ത്​ സ്​​ഫോ​ട​ന​ങ്ങ​ൾ ന​ട​ത്താ​ൻ പ​ദ്ധ​തി​യി​ട്ട അ​ൽ​ഖാ​ഇ​ദ ഭീ​ക​ര​രെ അ​റ​സ്​​റ്റു​ ചെ​യ്​​തു​വെ​ന്ന്​ അ​വ​കാ​ശ​വാ​ദ​മു​ന്ന​യി​ച്ച ഉ​ത്ത​ർ​പ്ര​ദേ​ശ്​ പൊ​ലീ​സി​​നെ വി​ശ്വ​സി​ക്കാ​ൻ ക​ഴി​യി​ല്ലെ​ന്ന്​ സ​മാ​ജ്​​വാ​ദി പാ​ർ​ട്ടി അ​ധ്യ​ക്ഷ​നും മു​ൻ മു​ഖ്യ​മ​ന്ത്രി​യു​മാ​യ അ​ഖി​ലേ​ഷ്​ യാ​ദ​വ്. 'യു.​പി പൊ​ലീ​സി​നെ വി​ശ്വ​സി​ക്കാ​ൻ ക​ഴി​യി​ല്ല, പ്ര​ത്യേ​കി​ച്ച്​ ബി.​ജെ.​പി ഭ​ര​ണ​ത്തി​നു കീ​ഴി​ലു​ള്ള​പ്പോ​ൾ''-​അ​റ​സ്​​റ്റ്​ വാ​ർ​ത്ത​യോ​ട്​ ഞാ​യ​റാ​ഴ്​​ച പ്ര​തി​ക​രി​ക്കു​ക​യാ​യി​രു​ന്നു അ​ഖി​ലേ​ഷ്.

അ​തേ​സ​മ​യം, യു.പി പൊലീസിനെ പിന്തുണച്ച്​ ബി.എസ്​.പി നേതാവ്​ മായാവതി രംഗത്തെത്തി. സംഭവം ഗൗരവമുള്ളതാണെന്നും രാഷ്​ട്രീയം കളിക്കരുതെന്നും അവർ പറഞ്ഞു. കേന്ദ്ര അന്വേഷണ ഏജൻസികളെ ഭയന്ന്​ മായാവതി ബി.ജെ.പിയോട്​ അടുക്കുകയാണെന്ന്​ ഭീം ആർമി നേതാവ്​ ചന്ദ്രശേഖർ ആസാദടക്കമുള്ളവർ വിമർശനമുന്നയിക്കുന്നതിനിടയിലാണ്​ യു.പി.പൊലീസിനെ പിന്തുണച്ച്​ മായാവതിയുടെ പരസ്യ നിലപാട്​.

എ​സ്.​പി അ​ധ്യ​ക്ഷ​‍െൻറ പ്ര​സ്​​താ​വ​ന​ക്കെ​തി​രെ രൂ​ക്ഷ പ്ര​തി​ക​ര​ണ​വു​മാ​യി ബി.​ജെ.​പി രം​ഗ​ത്തെ​ത്തി. അ​റ​സ്​​റ്റി​‍െൻറ വി​ശ​ദാം​ശ​ങ്ങ​ൾ അ​റി​യും മു​മ്പു​ത​ന്നെ പൊ​ലീ​സി​നെ​തി​രെ അ​ഖി​ലേ​ഷ്​ രം​ഗ​ത്തു​വ​ന്നു എ​ന്നു​പ​റ​ഞ്ഞ്​ പ്ര​സ്​​താ​വ​ന​യു​ടെ വി​ഡി​യോ ബി.​ജെ.​പി കേ​ന്ദ്ര​ങ്ങ​ൾ പ്ര​ച​രി​പ്പി​ച്ചു. എ​ന്നാ​ൽ, കൃ​ത്രി​മ ദൃ​ശ്യ​ങ്ങ​ളാ​ണ്​ പ്ര​ച​രി​പ്പി​ക്കു​ന്ന​ത്​ എ​ന്ന്​ എ​സ്.​പി വൃ​ത്ത​ങ്ങ​ൾ പ്ര​തി​ക​രി​ച്ചു.

അ​ൽ​ഖാ​ഇ​ദ പി​ന്തു​ണ​യു​ള്ള അ​ൻ​സാ​ർ ഗ​സ്​​വ​ത്തു​ൽ ഹി​ന്ദ്​ എ​ന്ന സം​ഘ​ട​ന​യി​ലെ ര​ണ്ടു ഭീ​ക​ര​രെ ഭീ​ക​ര​വി​രു​ദ്ധ സേ​ന അ​റ​സ്​​റ്റ്​ ചെ​യ്​​തു​വെ​ന്നും സ്വാ​ത​ന്ത്ര്യ ദി​ന​ത്തി​നു മു​മ്പാ​യി സം​സ്​​ഥാ​ന​ത്തെ വി​വി​ധ കേ​ന്ദ്ര​ങ്ങ​ളി​ൽ ചാ​വേ​ർ സ്​​ഫോ​ട​ന​മ​ട​ക്കം ന​ട​ത്താ​നാ​യി​രു​ന്നു ഇ​വ​രു​ടെ പ​ദ്ധ​തി​യെ​ന്നു​മാ​യി​രു​ന്നു പൊ​ലീ​സ്​ പ​റ​ഞ്ഞ​ത്. ഇ​വ​രി​ൽ​നി​ന്ന്​ സ്​​ഫോ​ട​ക​വ​സ്​​തു​ക്ക​ളും പി​ടി​ച്ചെ​ടു​ത്തു​വെ​ന്നും അ​ൽ​ഖാ​ഇ​ദ​യു​ടെ യു.​പി ഘ​ട​കം ത​ല​വ​‍െൻറ നി​ർ​ദേ​ശ​പ്ര​കാ​ര​മാ​ണ്​ ഇ​വ​ർ പ്ര​വ​ർ​ത്തി​ച്ച​െ​ത​ന്നും അ​ധി​കൃ​ത​ർ അ​വ​കാ​ശ​പ്പെ​ട്ടു.