Begin typing your search above and press return to search.
exit_to_app
exit_to_app
Akhilesh Yadav
cancel
Homechevron_rightNewschevron_rightIndiachevron_rightയു.പിയിലെ കോവിഡ്​ മരണ ...

യു.പിയിലെ കോവിഡ്​ മരണ കണക്കുകളിൽ വ്യത്യാസം; യോഗി സർക്കാർ മുഖം മറയ്​ക്കുന്നുവെന്ന്​ അഖിലേഷ്​ യാദവ്​

text_fields
bookmark_border

ലഖ്​നോ: ഉത്തർ​പ്രദേശിലെ യോഗി ആദിത്യനാഥ്​ സർക്കാർ കോവിഡി​െൻറ യഥാർഥ മരണസംഖ്യ ഒളിച്ചുവെക്കുന്നതായി സമാജ്​വാദി പാർട്ടി നേതാവ്​ അഖിലേഷ്​ യാദവ്​. ഇതിലൂടെ ബി.ജെ.പി സർക്കാർ യഥാർഥത്തിൽ മുഖം മറയ്​ക്കുകയാണെന്നും അദ്ദേഹം കൂട്ടിച്ചേർത്തു.

ഉത്തർപ്രദേശിലെ 24 ജില്ലകളിൽ 2020 ജൂലൈ ഒന്നുമുതൽ 2021 മാർച്ച്​ 31 വരെയുള്ള കോവിഡ് മരണത്തി​െൻറ​ ഒൗദ്യോഗിക കണക്കുകളേക്കാൾ 43 മടങ്ങ്​ വലുതാണ്​ യഥാർഥ മരണസംഖ്യയെന്ന റിപ്പോർട്ടുകൾ പുറത്തുവന്നതിന്​ ​പിന്നാലെയായിരുന്നു പ്രതികരണം. കോവിഡ്​ മരണത്തിൽ ഒമ്പതു മാസത്തെ ജില്ല ഭരണകൂട​ത്തി​െൻറ കണക്കുകൾ സിവിൽ രജിസ്​ട്രേഷൻ സിസ്​റ്റവുമായി താരതമ്യം നടത്തിയതി​െൻറ അടിസ്​ഥാനത്തിലായിരുന്നു മരണക്കണക്കിലെ വ്യത്യാസം. രണ്ടു ഭരണകൂടങ്ങളിലും വിവാരാവകാശപ്രകാരം കണക്കുകൾ ശേഖരിക്കുകയായിരുന്നു.

'വിവരാവകാശ നിയമപ്രകാരം ലഭിച്ച രേഖകൾ പ്രകാരം, ഉത്തർപ്രദേശിലെ 24 ജില്ലകളിലെ മാർച്ച്​ 31 വരെയുള്ള കോവിഡ്​ മരണസംഖ്യ യഥാർഥത്തിൽ ഒൗദ്യോഗിക കണക്കുകളേക്കാൾ 43 മടങ്ങ്​ അധികമാണ്. യഥാർഥത്തിൽ ബി.ജെ.പി സർക്കാർ മരണകണക്കുകൾ മറച്ചുവെക്കുക മാത്രമല്ല, അതി​െൻറ മുഖം മറയ്​ക്കുക കൂടിയാണ്​' -അഖിലേഷ്​ യാദവ്​ ട്വീറ്റ്​ ചെയ്​തു.

സർക്കാർ കണക്കുകൾ പ്രകാരം ഉത്തർപ്രദേശിലെ കോവിഡ്​ മരണസംഖ്യ 22,224 ആണ്​. കോവിഡ്​ സ്​ഥിരീകരിച്ചവരുടെ എണ്ണം 17,04,476 ആണ്​. എന്നാൽ യഥാർഥ കണക്കുകൾ ഇതിനേക്കാൾ കൂടുതലാണെന്നാണ്​ പുറത്തുവരുന്ന കണക്കുകൾ.

Show Full Article
TAGS:Akhilesh Yadav UP Covid Covid death Yogi Adityanath 
News Summary - Akhilesh Yadav alleges UP govt hiding actual Covid death toll
Next Story