ബി.എസ്​.പി സ്ഥാനാർത്ഥികളുടെ അന്തിമപട്ടിക തീരുമാനിക്കുന്നത്​ ബി.ജെ.പി -അഖിലേഷ്​ യാദവ്​

ലഖ്​നോ: ബി.എസ്​.പിക്കെതിരെ രൂക്ഷ വിമർശനവുമായി സമാജ്​വാദി പാർട്ടി നേതാവ്​ അഖിലേഷ്​ യാദവ്​. എസ്​.പി സ്ഥാനാർത്ഥികളുടെ വിജയം തടയാൻ ബി.എസ്​.പി സ്ഥാനാർത്ഥികളുടെ സ്ഥാനാർത്ഥിത്വം അടക്കം തീരുമാനിക്കുന്നത്​ ബി.ജെ.പിയാണെന്ന്​ അഖിലേഷ്​ ആരോപിച്ചു.

ബാബ സാഹിബ് ഭീംറാവു അംബേദ്​കറിന്റെയും അതിന്റെ സ്ഥാപകൻ കാൻഷി റാമിന്റെ പാതയിൽ നിന്ന് ബി.എസ്​.പി വഴിതെറ്റിപ്പോയി. ബി.എസ്​.പി ബി.ജെ.പിയുടെ ബി ടീമായി പ്രവർത്തിക്കുകയാണെന്നും അഖിലേഷ്​ ആരോപിച്ചു.

മുൻ നിയമസഭാ തെരഞ്ഞെടുപ്പിൽ ബി.ജെ.പി നേതാക്കൾ ബി.എസ്​.പി സ്ഥാനാർത്ഥികളുടെ അന്തിമലിസ്റ്റിന്​ രൂപം നൽകിയെന്നും അഖിലേഷ്​ പറഞ്ഞു.