Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightയു.എ.പി.എ പിൻവലിച്ചു;...

യു.എ.പി.എ പിൻവലിച്ചു; ഗൊഗോയ്​​ ജയിൽ മോചിതൻ

text_fields
bookmark_border
യു.എ.പി.എ പിൻവലിച്ചു; ഗൊഗോയ്​​ ജയിൽ മോചിതൻ
cancel

ഗുവാഹതി: പൗരത്വ ഭേദഗതി നിയമവുമായി ബന്ധപ്പെട്ട്​ അറസ്​റ്റിലായ ആക്​ടിവിസ്​റ്റും ശിവ്​സാഗർ എം.എൽ.എയുമായ അഖിൽ ഗൊഗോയിയെ യു.എ.പി.എ കേസുകളിൽ കുറ്റവിമുക്​തനാക്കി. പ്രത്യേക ​എൻ.ഐ.എ കോടതി കേസുകൾ പിൻവലിച്ചതിനെത്തുടർന്ന്​ ഒന്നര വർഷത്തിനുശേഷമാണ് അദ്ദേഹം മോചിതനായിരിക്കുന്നത്. ഗുവാഹതി മെഡിക്കൽ കോളജ്​ ആശുപത്രിയിൽ ചികിത്സയിലായിരുന്നു ഗൊഗോയ്​.

2019ൽ അസമിലെ സി.എ.എ വിരുദ്ധ പ്രക്ഷോഭത്തിലെ പങ്ക്​ ആരോപിച്ചാണ്​ ഗൊഗോയിക്കും മറ്റു മൂന്നു ​പേർക്കു​മെതിരെ രണ്ട്​ കേസുകളിലായി യു.എ.പി.എ ചുമത്തിയത്​. ഇതിൽ ആദ്യ കേസിൽ ജൂൺ 22ന്​ കുറ്റവിമുക്​തനാക്കിയിരുന്നു. മാവോവാദി​ ബന്ധം ആരോപിച്ചുള്ള രണ്ടാമത്തെ കേസിൽ നിന്നും​ എൻ.ഐ.എ പ്രത്യേക ജഡ്​ജ്​ ഗൊഗോയിയെയും ധൈർജ്യ കോൻവർ, മനാസ്​ കോൻവർ, ബിട്ടു സോനോവാൽ എന്നീ അനുയായികളെയും കുറ്റ മുക്​തരാക്കി.

'സത്യം ജയിച്ചു, എന്നെ തടവിൽ തന്നെ ഇടാനുള്ള ഒരു ശ്രമവും നടന്നില്ല' എന്ന്​ ഗൊഗോയ്​ മാധ്യമപ്രവർത്തകരോട് പറഞ്ഞു. 2019ൽ പൗരത്വ നിയമത്തിനെതിരായ പ്രതിഷേധത്തിനിടെ പൊലീസ് വെടിവെപ്പിൽ മരിച്ച 17 കാരനായ സാം സ്​റ്റാഫോർഡി​െൻറ മാതാപിതാക്കളെ സന്ദർശിക്കുമെന്ന്​ ഗൊഗോയ്​ അറിയിച്ചു. സി‌.എ‌.എ വിരുദ്ധ റാലിയെത്തുടർന്ന് 2020 ഡിസംബർ 12ന് ജോർഹട്ടിൽവെച്ചാണ്​ ഗോഗോയിയെ ആദ്യം അറസ്​റ്റ്​ ചെയ്തത്. തുടർന്ന്​ കേസ് എൻ.‌ഐ‌.എക്ക്​ കൈമാറി. നിരോധിത സി‌.പി‌.ഐയുടെ (മാവോയിസ്​റ്റ്​) പ്രവർത്തകൻ ആണെന്നാരോപിച്ച്​​ യു.‌എ.പി.എ പ്രകാരം രാജ്യദ്രോഹക്കുറ്റം ചുമത്തി കേസെടുക്കുകയായിരുന്നു.

പുതുതായി രൂപംകൊണ്ട പ്രാദേശിക പാർട്ടിയായ റൈജോർ ദളിനെ നയിച്ച ഗൊഗോയ് അസം നിയമസഭ തെരഞ്ഞെടുപ്പിൽ ജയിലിൽ നിന്ന്​ മത്സരിച്ചാണ്​ വിജയിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Akhil Gogoi
News Summary - Akhil Gogoi,
Next Story