യാത്രക്കാരന് ദേഹാസ്വാസ്ഥ്യം; വാരണാസി - മുംബൈ വിമാനം ഭോപാലിലിറക്കി

ഭോപാൽ: വാരണാസിയിൽ നിന്നും 172 യാത്രക്കാരുമായി മുംബൈയിലേക്ക് പുറപ്പെട്ട ആകാശ എയർ ഫ്ലൈറ്റ് അടിയന്തരമായി ലാൻഡ് ചെയ്തു. യാത്രക്കാരിലൊരാൾക്ക് ദേഹാസ്വാസ്ഥ്യം നേരിട്ടത്തിനെ തുടർന്നാണ് വിമാനം ഭോപാലിലെ രാജ ബോജ് വിമാനത്താവളത്തിൽ ഇറക്കിയത്.

യാത്രക്കാരന് അസ്വസ്ഥത നേരിട്ടപ്പോൾ പൈലറ്റ് എയർ ട്രാഫിക് കൺട്രോൾ റൂമിലേക്ക് വിളിച്ച് 11:40ന് വിമാനം താഴെയിറക്കാനുള്ള അനുമതി തേടുകയായിരുന്നുവെന്ന് എയർപോർട്ട് ഡയറക്ടർ റാംജി അവസ്തി മാധ്യമങ്ങളോട് പറഞ്ഞു. നടപടിക്രമങ്ങൾ പൂർത്തിയാക്കിയ ശേഷം വൈകിട്ട് യാത്ര പുനരാരംഭിക്കും.