Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightകാർഷിക ബില്ലിൽ...

കാർഷിക ബില്ലിൽ യോജിപ്പില്ല; അകാലി ദൾ എൻ.ഡി.എ മുന്നണി വിട്ടു

text_fields
bookmark_border
കാർഷിക ബില്ലിൽ യോജിപ്പില്ല; അകാലി ദൾ എൻ.ഡി.എ മുന്നണി വിട്ടു
cancel

ന്യൂഡൽഹി: വിവാദ കാർഷിക ബില്ലുകളിൽ കേന്ദ്ര സർക്കാറുമായി ഇടഞ്ഞ, എൻ.ഡി.എയുടെ ഏറ്റവും പഴയ സഖ്യകക്ഷികളിലൊന്നായ ശിരോമണി അകാലിദൾ മുന്നണി വിട്ടു. ബില്ലുകളിൽ പ്രതിഷേധിച്ച് അകാലി ദളി‍െൻറ മന്ത്രി ഹർസിമ്രത് കൗർ ബാദൽ നേരത്തെ കേന്ദ്ര മന്ത്രിസഭയിൽനിന്ന്​ രാജിവെച്ചിരുന്നു.

ബില്ലുകൾ പുനഃപരിശോധിച്ചില്ലെങ്കിൽ മുന്നണി വിടുമെന്ന് പാർട്ടി പ്രഖ്യാപിച്ചിരുന്നു. രാജ്യമൊട്ടാകെ കർഷക പ്രക്ഷോഭം രൂക്ഷമാവുകയും അകാലിദൾ തട്ടകമായ പഞ്ചാബിലും അയൽസംസ്ഥാനമായ ഹരിയാനയിലും കർഷക ലക്ഷങ്ങൾ തെരുവിലിറങ്ങുകയും ചെയ്​ത സാഹചര്യത്തിലാണ്​ പാർട്ടി മുന്നണി വിടാനുള്ള തീരുമാനമെടുത്തത്​.

പാർട്ടി അധ്യക്ഷൻ സുഖ്ബീർ സിങ്​ ബാദലി​െൻറ അധ്യക്ഷതയിൽ ചേർന്ന ഉന്നതതല യോഗത്തിലാണ്​ മുന്നണി വിടാനുള്ള തീരുമാനമെടുത്തത്​. ''കാർഷികോൽപന്നങ്ങൾക്ക്​ മിനിമം താങ്ങുവില ഉറപ്പാക്ക​ുന്നതിന്​ നിയമപരമായ പരിരക്ഷ ഏർപ്പെടുത്തണമെന്ന ഞങ്ങളുടെ ആവശ്യം നിരസിച്ച കേന്ദ്രത്തി​െൻറ നിലപാടിൽ പ്രതിഷേധിച്ച്​ ബി.ജെ.പി നേതൃത്വത്തിലുള്ള എൻ.ഡി.എ മുന്നണിയിൽനിന്ന്​ അകാലിദൾ വിടുകയാണ്​'' -പാർട്ടി പുറത്തിറക്കിയ പ്രസ്​താവനയിൽ പറഞ്ഞു. പഞ്ചാബിലെ സിഖ്​ സമൂഹത്തി​െൻറ വികാരങ്ങൾ മനസ്സിലാക്കുന്നതിൽ നരേന്ദ്ര മോദി സർക്കാർ പരാജയപ്പെട്ടുവെന്നും പാർട്ടി ആരോപിച്ചു.

അടൽബിഹാരി വാജ്​പേയിയും പ്രകാശ്​സിങ്​ ബാദലും വിഭാവനം ചെയ്​ത എൻ.ഡി.എ അല്ല ഇപ്പോഴത്തേതെന്നും മൂന്നു കോടി പഞ്ചാബികളുടെ വേദന മോദി സർക്കാർ തിരിച്ചറിയുന്നില്ലെന്നും അകാലിദൾ നേതാവും മുൻ കേന്ദ്ര മന്ത്രിയുമായ ഹർസിമ്രത് കൗർ ബാദൽ കുറ്റപ്പെടുത്തി

Show Full Article
TAGS:Akali Dal nda 
Next Story