Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപൗരത്വ നിയമത്തെ...

പൗരത്വ നിയമത്തെ കോൺ​ഗ്രസ്​ ഒരുകാലത്തും അനുകൂലിക്കില്ല -എ.കെ. ആന്‍റണി

text_fields
bookmark_border
പൗരത്വ നിയമത്തെ കോൺ​ഗ്രസ്​ ഒരുകാലത്തും അനുകൂലിക്കില്ല -എ.കെ. ആന്‍റണി
cancel

ന്യൂഡൽഹി: പൗരത്വ നിയമത്തെ കോൺഗ്രസ്​ ഒരുകാലത്തും അനുകൂലിക്കില്ലെന്ന്​ മുൻ പ്രതിരോധ മന്ത്രിയും മുതിർന്ന നേതാവുമായ എ.കെ ആൻറണി. പൗരത്വ നിയമവും എൻ.ആർ.സിയും നടപ്പാക്കിയാൽ ഇന്ത്യയുടെ ആത്​മാവ്​ നശിക്കും. മോദിയും അമിത്​ ഷായും ജനങ്ങളെ തെറ്റിദ്ധരിപ്പിക്കാനാണ്​ ശ്രമിക്കുന്നതെന്ന്​ ആൻറണി പറഞ്ഞു.

കോൺഗ്രസ്​ ഭരണകാലത്ത്​ ഭരണഘടനാ വിരുദ്ധമായി ഒന്നും ചെയ്​തിട്ടില്ല. യോജിക്കാൻ കഴിയുന്ന എല്ലാവരുമായി പ്രതിഷേധങ്ങളിൽ യോജിക്കും. സംസ്ഥാനങ്ങളിലെ കാര്യം അതാത്​ പാർട്ടി കമ്മിറ്റികളാണ്​ തീരുമാനിക്കേണ്ടത്​. പ്രതിഷേധങ്ങൾക്ക്​ മുന്നിൽ മോദിക്കും അമിത്​ ഷാക്കും മുട്ടുമടക്കേണ്ടി വരുമെന്ന്​ അ​േ​ദ്ദഹം കൂട്ടിച്ചേർത്തു.

പൗരത്വ നിയമ ഭേദഗതിക്കെതിരെ കോൺഗ്രസ്​ സ്ഥാപക ദിനത്തിൽ രാജ്യവ്യാപക പ്രതിഷേധങ്ങൾ നടത്തുകയാണ്​ പാർട്ടി. എ.ഐ.സി.സി ആസ്ഥാനത്ത്​ നടത്തിയ ​പരിപാടിയിലായിരുന്നു എ.കെ ആൻറണിയുടെ പരാമർശം.

Show Full Article
TAGS:congress CAA protest A.K Antony kerala news malayalam news 
News Summary - A.K Anotony on congress-India news
Next Story