ബിഹാറിൽ എം.എൽ.എയുടെ വീട്ടിൽ നിന്ന്​ എ.കെ-47നും ഗ്രനേഡുകളും പിടികൂടി

പറ്റ്​ന: വീട്ടിൽ നിന്ന്​ എ.കെ. - 47 നും ഗ്രനേഡുകളുമുൾപ്പെടെ കണ്ടെടുത്തതിനെത്തുടർന്ന്​ ബിഹാറിലെ സ്വതന്ത്ര എം.എൽ. എ അനന്ത്​​ സിങി​െനതിരെ ഭീകര വിരുദ്ധ നിയമ (യു.എ.പി.എ) പ്രകാരം പറ്റ്​ന പൊലീസ്​ കേസെടുത്തു.

ലഡ്​മ വില്ലേജിലെ മൊകാമയിലെ എം.എൽ.എയായ അനന്ത്​​ സിങ്​ നിരവധി ക്രിമിനൽ കേസുകളിലെ പ്രതിയാണ്​.അനന്ദ്​ സിങി​​​െൻറ തറവാട്ടുവീട്ടിലായിരുന്നു വെള്ളിയാഴ്​ച ബോംബ്​ സ്​ക്വാഡും ഭീകര വിരുദ്ധ സ്​ക്വാഡും ഉൾപ്പെടെ പൊലീസ്​ സംഘം തെരച്ചിൽ നടത്തിയത്​. രണ്ട്​ ഗ്രനേഡുകൾ , എ.കെ.47 ​ തോക്ക്​,തിരകൾ തുടങ്ങിയവയാണ്​ പിടിച്ചെടുത്തത്​.

‘ചോ​ട്ടേ സർക്കാർ’ എന്നറിയപ്പെടുന്ന അനന്ത്​ സിങ്​ 2015ലും വീട്ടിൽ നിന്ന്​ തോക്കും തിരകളും വീട്ടിൽ നിന്ന്​ കണ്ടെടുത്തതിനെത്തുടർന്ന്​ അറസ്​റ്റിലായിരുന്നു. പൊലീസ്​ പിടികൂടിയ രണ്ട്​ കൊലയാളികളുമായുള്ള ബന്ധം സ്​ഥിരീകരിക്കുന്നതി​​​െൻറ ഭാഗമായി ആഗസ്​റ്റ്​ ഒന്നിന്​ അനന്ത്​ സിങിനെ പൊലീസ്​സ്​റ്റേഷനിലേക്ക്​ വിളിപ്പിച്ചിരുന്നു. ഇതുമായി ബന്ധപ്പെട്ട തുടർഅന്വേഷണത്തി​​​െൻറ ഭാഗമായിരുന്നു റെയ്​ഡ്​. വ്യക്​തിയെ ഭീകരനായി കണക്കാക്കി അയാളുടെ സാധന സാമഗ്രികൾ പിടിച്ചെടുക്കാൻ പുതുക്കിയ യു.എ.പി.എ നിയമം ​െപാലീസിന്​ അംഗീകാരം നൽകുന്നുണ്ട്​.