മഹാരാഷ്​ട്ര: അജിത്​ പവാറി​േൻറത്​ വ്യക്തിപരമായ തീരുമാനം-​ ശരത്​ പവാർ

മുംബൈ: മഹാരാഷ്​ട്രയിൽ ബി.ജെ.പിയുമായി ചേർന്ന​​ അജിത്​ പവാറിൻെറ തീരുമാനം വ്യക്തിപരമെന്ന്​ എൻ.സി.പി അധ്യക്ഷൻ ശരത ്​ പവാർ. ഇത്​ പാർട്ടി തീരുമാനപ്രകാരമല്ല. അജിത്​ പവാറിൻെറ നീക്ക​െത്ത എൻ.സി.പി പിന്തുണക്കില്ലെന്നും ശരത്​ പവാർ വ്യക്തമാക്കി. ട്വിറ്ററിലൂടെയാണ്​ ശരത്​ പവാർ ഇക്കാര്യം വ്യക്തമാക്കിയത്​.

Ajit Pawar's decision to support the BJP to form the Maharashtra Government is his personal decision and not that of the Nationalist Congress Party (NCP).
We place on record that we do not support or endorse this decision of his.

— Sharad Pawar (@PawarSpeaks) November 23, 2019

അതീവ നാടകീയമായ നീക്കത്തിനാണ്​ മഹാരാഷ്ട്ര സാക്ഷ്യം വഹിച്ചത്​. സർക്കാർ രൂപീകരണത്തിൻെറ അന്തിമ തീരുമാനം കൈക്കൊള്ളാൻ ഇന്ന്​ എൻ.സി.പി-ശിവസേന-കോൺഗ്രസ്​ സംയുക്ത യോഗം ചേരാനിരിക്കെയാണ് എൻ.സി.പിയിലെ അജിത്​ പവാർ വിഭാഗത്തി​​​​​​​​​െൻറ പിന്തുണയോടെ​ ദേവേന്ദ്ര ഫട്​നാവിസ്​ മഹാരാഷ്​ട്ര മുഖ്യമന്ത്രിയായി സത്യപ്രതിജ്ഞ ചെയ്​തത്​. അജിത്​ പവാർ ഉപമുഖ്യമന്ത്രിയായും സത്യപ്രതിജ്ഞ ചെയ്​തു.

അഴിമതി കേസുകളിൽ അജിത്​ പവാറിനെതിരെ കേന്ദ്ര ഏജൻസികൾ അന്വേഷണം ശക്​തമാക്കിയതിന്​ പിന്നാലെയാണ്​ മഹാരാഷ്​ട്രയിലെ നാടകീയ നീക്കം. 288 അംഗ സംസ്ഥാന നിയമസഭയിൽ 105 സീറ്റുകളിലാണ്​ ബി.ജെ.പി വിജയിച്ചത്​. ശിവസേന 56 സീറ്റുകളും എൻ.സി.പി 54 സീറ്റുകളും കോൺഗ്രസ്​ 44 സീറ്റുകളും നേടിയിരുന്നു.