Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightജലസേചന അഴിമതി: അജിത്​...

ജലസേചന അഴിമതി: അജിത്​ പവാറിനെ കുറ്റവിമുക്തനാക്കി

text_fields
bookmark_border
ജലസേചന അഴിമതി: അജിത്​ പവാറിനെ കുറ്റവിമുക്തനാക്കി
cancel

മുംബൈ: ജലസേചന അഴിമതി കേസിൽ എൻ.സി.പി നേതാവും മുൻ മന്ത്രിയുമായ​ അജിത്​ പവാറിനെ കുറ്റവിമുക്തനാക്കിയ സത്യവാങ്​മൂലം ത്രികക്ഷി സർക്കാർ അധികാരത്തിലേൽക്കും മുമ്പ്​ കോടതിയിൽ സമർപ്പിച്ചതായി റിപ്പോർട്ട്​. നവംബർ 25 ന്​ ജലസേചന അഴിമതിയുമായി ബന്ധപ്പെട്ട ഒമ്പതുകേസുകൾ മഹാരാഷ്​ട്ര അഴിമതി വിരുദ്ധ സെല്‍ (എ.സി.ബി) അവസാനിപ്പിച്ചിരുന്നു. നവംബർ 27ന്​ എ.സി.ബി അജിത്​ പവാറിനെ കുറ്റവിമുക്തനാക്കികൊണ്ടുളള സത്യവാങ്​മൂലം ബോംബെ ​ൈഹകോടതിയിൽ സമർപ്പിച്ചു.

മന്ത്രിയായിരുന്ന അജിത്​ പവാറിന്​ ഒമ്പതു​ കേസുകളിൽ പങ്കില്ലെന്നും ഉദ്യോഗസ്ഥരാണ്​ അഴിമതി നടത്തിയതെന്നുമാണ്​ എ.സി.ബി സത്യവാങ്​മൂലത്തിൽ വ്യക്തമാക്കുന്നത്​. 3,000 ജലസേചന പദ്ധതികളിലെ അഴിമതിയാണ്​ എ.സി.ബി അന്വേഷിക്കുന്നത്​. ഇതിൽ വിദർഭയിലെ ഒമ്പത്​ പദ്ധതികളിലാണ്​ അജിത്തിനെ കുറ്റമുക്തനാക്കിയത്​​​.

ശിവസേന നേതാവ്​ ഉദ്ദവ്​ താക്കറെയുടെ നേതൃത്വത്തിൽ ത്രികക്ഷി സർക്കാർ അധികാരത്തിലേറുന്നതിന്​ ഒരു ദിവസം മുമ്പാണ്​ എ.സി.ബി അജിത്​ പവാറിന്​ ക്ലീൻ ചിറ്റ്​ നൽകിയ റിപ്പോർട്ട്​ സമർപ്പിച്ചത്​. ബി.ജെ.പിക്കൊപ്പം ഉപമുഖ്യമന്ത്രിയായി അധികാരമേറ്റതിന്​ പിറകെയാണ് അജിത് പവാറി​ന്​​ 70,000 കോടിയുടെ ജലസേചന അഴിമതി കേസുകളിൽ ഒമ്പത്​ എണ്ണത്തിൽ ക്ലീന്‍ചിറ്റ്​ സ്വന്തമായത്​. എന്നാൽ, ശേഷിച്ച പദ്ധതികളിലെ അഴിമതികളിൽ തുടരന്വേഷണം നടക്കുമെന്ന്​ എ.സി.ബി വൃത്തങ്ങൾ പറഞ്ഞു.

2009 മുതല്‍ 2014 വരെയുള്ള കോണ്‍ഗ്രസ്-എന്‍.സി.പി സഖ്യ സര്‍ക്കാര്‍ ഭരണകാലത്ത്​ അഴിമതി നടത്തിയതായാണ് ആരോപണം. ഈ കാലഘട്ടങ്ങളില്‍ എന്‍.സി.പിയുടെ അജിത് പവാറും സുനില്‍ തട്കരെയുമായിരുന്നു ജലസേചന മന്ത്രിമാര്‍.

2014ല്‍ ദേവേന്ദ്ര ഫഡ്നാവിസി‍​​​െൻറ നേതൃത്വത്തില്‍ ബി.ജെ.പി സര്‍ക്കാര്‍ അധികാരമേറ്റതിനു ശേഷമാണ് അജിത്തിനും തട്കരെക്കും എതിരെ പൊലീസ് കേസെടുത്തത്. തെരഞ്ഞെടുപ്പുകളിൽ ബി.ജെ.പി ഇത് ആയുധമാക്കുകയും അജിത്തിനെ ജയിലിലടക്കുമെന്ന് അവകാശപ്പെടുകയും ചെയ്തിരുന്നു. എന്നാൽ ഫഡ്​നാവിസിനൊപ്പം ബി.ജെ.പി സർക്കാറി​​െൻറ ഭാഗമായി സത്യപ്രതിഞ്​ജ ചെയ്​ത്​ 48 മണിക്കൂറിനകം എ.സി.ബി പവാറിനെ കുറ്റവിമുക്തനാക്കി കേസ്​ അവസാനിപ്പിക്കുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Governmentaffidavitindia newsAjit Pawarexoneratedirrigation scam
News Summary - Ajit Pawar exonerated in irrigation scam, affidavit filed a day before new government took oath - India news
Next Story