സ്ഥിതിഗതികൾ വിലയിരുത്തി ഡോവൽ; ആഗസ്​റ്റ്​ 15 വരെ കശ്​മീരിൽ തുടരും

ശ്രീനഗര്‍: ജമ്മു കശ്​മീരിൽ രഹസ്യാന്വേഷണ ബ്യൂറോ യൂനിറ്റിൽ നിന്നും സംസ്ഥാനത്തിലെ സുരക്ഷ-ക്രമസമാധാന സ്ഥിതിഗത ികൾ വിലയിരുത്തി ദേശീയ സുരക്ഷാ ഉപദേഷ്ടാവ് അജിത് ഡോവല്‍. സംസ്ഥാനത്തിന്​ പ്രത്യേക പദവി നൽകുന്ന ഭരണഘടന ആർട്ടിക്ക ിൾ 370 പിൻവലിച്ച ശേഷം സുരക്ഷാ വിന്യാസത്തിനായി കശ്​മീരിൽ എത്തിയ അജിത്​ ഡോവൽ ആഗസ്​റ്റ്​ 15 ലെ സ്വാതന്ത്ര്യദിനാഘോഷങ്ങൾ കഴിയുന്നതുവരെ തുടരുമെന്നാണ്​ റിപ്പോർട്ട്​.

ഈദ്​ ദിനത്തിൽ ശ്രീനഗറിൽ സി.ആർ.പി.എഫ്​, പൊലീസ്​ സേനാംഗങ്ങൾക്കൊപ്പം ഡോവൽ ഭക്ഷണം കഴിക്കുന്ന ചിത്രങ്ങളും സോഷ്യൽമീഡയയിൽ പങ്കുവെച്ചിരുന്നു. ഷോപ്പിയാന്‍ ഉള്‍പ്പെടെയുള്ള പ്രശ്‌ന ബാധിത പ്രദേശങ്ങള്‍ കേന്ദ്രീകരിച്ചാണ് അജിത് ഡോവല്‍ പ്രവര്‍ത്തിക്കുന്നത്.

പ്രധാനമന്ത്രി നരേന്ദ്രമോദി രഹസ്യാന്വേഷണ ഉദ്യോഗസ്ഥൻ കൂടിയായ ഡോവലിനെ
ജമ്മുകശ്​മീരിലേക്ക്​ അയച്ചത്​ സുരക്ഷ സംബന്ധിച്ച കാര്യങ്ങളിൽ അടിയന്തര തീരുമാനങ്ങൾ എടുക്കുന്നതിനാണെന്ന്​ ആഭ്യന്തരമന്ത്രാലയം അറിയിച്ചിരുന്നു.

കേന്ദ്ര സര്‍ക്കാര്‍ കൈക്കൊണ്ടിരിക്കുന്ന നിര്‍ണ്ണായകമായ തീരുമാനങ്ങള്‍ മൂലം, കശ്മീരിലെ ജനങ്ങള്‍ക്ക്‌ യാതൊരുവിധ പ്രശ്‌നങ്ങളും ഉണ്ടാകാതിരിക്കാനാണ്​ പ്രത്യേക സുരക്ഷ ഒരുക്കുന്നതെന്നാണ്​ സർക്കാറി​​െൻറ വാദം. വിഘടനവാദികള്‍ അടക്കമുള്ളവരില്‍നിന്ന് ഏതെങ്കിലും തരത്തിലുള്ള നീക്കമുണ്ടായാല്‍ അതിനെ ശക്തമായി നേരിടാന്‍ തന്നെയാണ് കേന്ദ്ര സര്‍ക്കാരിന്‍റെ തീരുമാനം.