മുൻകൂർ ജാമ്യാപേക്ഷയുമായി ഐഷ സുൽത്താന ഹൈകോടതിയിൽ

കൊ​ച്ചി: രാ​ജ്യ​ദ്രോ​ഹ​ക്കു​റ്റം ചു​മ​ത്തി​യ കേ​സി​ൽ സംവിധായിക ഐ​ഷ സു​ൽ​ത്താ​ന ഹൈകോ​ട​തി​യി​ൽ മു​ൻ​കൂ​ർ ജാ​മ്യാ​പേ​ക്ഷ ന​ൽ​കി. കൊ​ച്ചി​യി​ലെ മു​തി​ർ​ന്ന അ​ഭി​ഭാ​ഷ​ക​ൻ മു​ഖേ​ന​യാ​ണ് ജാ​മ്യ​ഹ​ര​ജി സ​മ​ർ​പ്പി​ച്ചി​രി​ക്കു​ന്ന​ത്.

ക​വ​ര​ത്തി​യി​ൽ എ​ത്തി​യാ​ൽ അ​റ​സ്റ്റി​ന് സാ​ധ്യ​ത​യു​ണ്ടെ​ന്നും അ​തി​നാ​ൽ മു​ൻ​കൂ​ർ ജാ​മ്യം ന​ൽ​ക​ണ​മെ​ന്നു​മാ​ണ് ഐ​ഷ​ ഹരജിയിൽ ആവശ്യപ്പെട്ടിരിക്കുന്നത്. ഹൈ​കോ​ട​തി ചൊ​വ്വാ​ഴ്ച ഹരജി പരിഗണിക്കും.

അ​ഡ്മി​നി​സ്ട്രേ​റ്റ​ർ പ്ര​ഫു​ൽ പ​ട്ടേ​ലി​ന്‍റെ പ​രി​ഷ്കാ​ര ന​ട​പ​ടി​ക​ൾ​ക്കെ​തി​രെ ഐഷ സുൽത്താന രൂ​ക്ഷ വി​മ​ർ​ശ​ന​ം ഉന്നയിച്ചിരുന്നു. ഫാ​സി​സം ഇ​നി​യും ദ്വീ​പ് സ​മൂ​ഹം സ​ഹി​ക്കി​ല്ലെ​ന്നും ഭ​ര​ണ​കൂ​ട​ത്തി​ന്‍റെ ഏ​കാ​ധി​പ​ത്യ ന​യ​ങ്ങ​ൾ​ക്കെ​തി​രേ ശ​ക്ത​മാ​യ പ്ര​തി​രോ​ധം തീ​ർ​ക്കു​മെ​ന്നും ഐ​ഷ ഫേ​സ്ബു​ക്കി​ൽ കു​റി​ച്ചി​രു​ന്നു.

ചാ​ന​ല്‍ ച​ര്‍​ച്ച​ക്കി​ടെ ല​ക്ഷ​ദ്വീ​പ് അ​ഡ്മി​നി​സ്‌​ട്രേ​റ്റ​ര്‍ പ്ര​ഫു​ല്‍ പ​ട്ടേ​ലി​നെ വിമർശിച്ചതിനാണ് ഐ​ഷ സു​ല്‍​ത്താ​ന​ക്കെ​തി​രെ രാ​ജ്യ​ദ്രോ​ഹ കു​റ്റം ചു​മ​ത്തി​യ​ത്. ബി.​ജെ.​പി ല​ക്ഷ​ദ്വീ​പ് പ്ര​സി​ഡ​ന്‍റി​ന്‍റെ പ​രാ​തി​യി​ല്‍ ക​വ​ര​ത്തി പോ​ലീ​സാ​ണ് കേ​സ് ര​ജി​സ്റ്റ​ര്‍ ചെ​യ്ത​ത്.