വ്യോമഗതാഗത പ്രതിസന്ധി: ദക്ഷിണ റെയിൽവേ പ്രത്യേക ട്രെയിനുകൾ അനുവദിച്ചു
text_fields
ചെന്നൈ: വ്യോമഗതാഗതം പ്രതിസന്ധിയിലായ സാഹചര‍്യത്തിൽ യാത്രക്കാർക്കായി പ്രത്യേക ട്രെയിനുകൾ അനുവദിച്ച് ദക്ഷിണ റെയിൽവേ. ചെന്നൈ എഗ്മോറിൽനിന്ന് തെലങ്കാനയിലെ ചർലപ്പള്ളിയിലേക്കും സെക്കന്ദരാബാദിൽനിന്ന് ചെന്നൈ എഗ്മോറിേലക്കുമാണ് ട്രെയിനുകൾ അനുവദിച്ചത്.
ചെന്നൈ എഗ്മോർ - ചർലപ്പള്ളി എക്സ്പ്രസ് സ്പെഷ്യൽ ട്രെയിൻ ശനിയാഴ്ച 11.55 ന് ചെന്നൈ എഗ്മോറിൽനിന്ന് പുറപ്പെട്ട് ഡിസംബർ ഏഴിന് രണ്ടോടെ ചർലപ്പള്ളിയിൽ എത്തും. അതേസമയം, ഡിസംബർ ആറിനും 10നുമിടയിൽ ഓടുന്ന തിരുച്ചിറപ്പള്ളി - ജോധ്പൂർ ഹംസഫർ എക്സ്പ്രസ്, ഡോ. എം.ജി.ആർ ചെന്നൈ സെൻട്രൽ - തിരുവനന്തപുരം സെൻട്രൽ സൂപ്പർഫാസ്റ്റ് എക്സ്പ്രസ്, മുംബൈ സി.എസ്.ടി - ചെന്നൈ ബീച്ച് സൂപ്പർഫാസ്റ്റ് എക്സ്പ്രസ് ഉൾപ്പെടെ ട്രെയിനുകളിൽ ഒരു എ.സി ത്രീ ടിയർ കോച്ച് കൂടി അനുവദിക്കും.