ന്യൂയോർക്കിലേക്കുള്ള എയർ ഇന്ത്യ വിമാനം റദ്ദാക്കി

ന്യൂഡൽഹി: ഡൽഹിയിൽ നിന്ന് ന്യൂയോർക്കിലേക്ക് പുറപ്പെടാൻ ഒരുങ്ങിയ എയർ ഇന്ത്യ വിമാനത്തിെൻറ യാത്ര റദ്ദാക്കി.  സാേങ്കതിക പ്രശ്നങ്ങളാണ് വിമാനത്തിെൻറ  യാത്ര റദ്ദാക്കാൻ കാരണം. പുലർച്ചെ 1:40ന് ന്യൂയോർക്കിലേക്ക് യാത്ര തിരിക്കേണ്ടതായിരുന്നു എയർ ഇന്ത്യയുടെ വിമാനം. ഏകദേശം 300 യാത്രക്കാരാണ് വിമാനത്തിലുണ്ടായിരുന്നത്.

വിമാനം റദ്ദാക്കിയതിനെ തുടർന്ന് മുഴുവൻ യാത്രക്കാർക്കും ഹോട്ടലിൽ താൽകാലിക താമസ സൗകര്യം എയർ ഇന്ത്യ ഒരുക്കി. ഇന്ന് വൈകീട്ട് 5 മണിക്ക് വിമാനം ന്യൂയോർക്കിലേക്ക് പറക്കുമെന്നും കമ്പനി അധികൃതർ അറിയിച്ചു.

 വിമാനം പുറപ്പെടാൻ ഒരുങ്ങിയപ്പോൾ എൻജിനിൽ തകരാർ കണ്ടെത്തുകയായിരുന്നു. പിന്നീട് എകദേശം ആറ് മണിവരെ യാത്രക്കാർ വിമാനത്തിൽ തുടർന്നു. ആറ് മണിക്ക് എയർ ഇന്ത്യ അധികൃതരെത്തി ഹോട്ടലിലേക്ക് മാറാൻ നിർദ്ദേശിക്കുകയായിരുന്നുവെന്നും  യാത്രക്കാരിലൊരാൾ പ്രതികരിച്ചു.