Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഎയർ ഇന്ത്യ...

എയർ ഇന്ത്യ പീഡനക്കേസിലെ അന്വേഷണം ഒരു മാസത്തിനകം പൂർത്തിയാക്കണം- മനേകാ ഗാന്ധി

text_fields
bookmark_border
എയർ ഇന്ത്യ പീഡനക്കേസിലെ അന്വേഷണം ഒരു മാസത്തിനകം പൂർത്തിയാക്കണം- മനേകാ ഗാന്ധി
cancel

ന്യൂഡൽഹി: എയർ ഇന്ത്യയുടെ മുതർന്ന ഉദ്യോഗസ്​ഥൻ ലൈംഗികമായി പീഡിപ്പിക്കുന്നുവെന്നാരോപിച്ച്​ ജീവനക്കാരി കേന്ദ്ര വനിതാ ശിശുക്ഷേമ വകുപ്പ്​ മന്ത്രി മനേകാ ഗാന്ധിയെ സമീപിച്ചു. തുടർന്ന്​ പീഡനക്കേസിൽ ഇൗ മാസം തന്നെ അന്വേഷണം പൂർത്തിയാക്കണമെന്ന്​ മന്ത്രി എയർ ഇന്ത്യയുടെ ആഭ്യന്തര പരാതി പരിഹാര സമിതിയോട്​ ആവശ്യപ്പെട്ടു. 

കഴിഞ്ഞ ആറു വർഷമായി മുതിർന്ന ഉദ്യോഗസ്​ഥൻ തന്നെ പീഡിപ്പിക്കുകയാണെന്ന്​ കാണിച്ച്​ എയർ ഇന്ത്യ എയർ ഹോസ്​റ്റസ്​ നേരത്തെ വ്യോമയാന മന്ത്രി സുരേഷ്​ പ്രഭുവിന്​ കത്തയച്ചിരുന്നു. കേസ്​ നിഷ്​പക്ഷ സമിതിയെ കൊണ്ട്​ അന്വേഷിപ്പിക്കണമെന്നും ത​​​െൻറ നിരന്തരമായ പരാതികൾ എയർ ഇന്ത്യ അധികൃതരും ആഭ്യന്തര പരാതി പരിഹാര സെല്ലും അവഗണിക്കുകയാണെന്നും കത്തിൽ എയർഹോസ്​റ്റസ്​ ആരോപിച്ചിരുന്നു. 

മുതിർന്ന ഉദ്യോഗസ്​ഥൻ തന്നെ മാത്രമല്ല, കമ്പനിയിലെ മറ്റു സ്​ത്രീകളെയും പീഡിപ്പിച്ചിരുന്നെന്നും യുവതി പരാതിയിൽ പറയുന്നു. ലൈംഗികച്ചുവയോ​െട സംസാരിക്കുക, ലൈംഗിക പ്രവർത്തികളെ കുറിച്ച്​ പറയുക എന്നിവ അയാളുടെ സ്​ഥിരം പ്രവർത്തിയാണ്​. അയാളുടെ ഒാഫീസിലേക്ക്​ ചെല്ലുന്നതിനും അയാ​ളോടൊപ്പം വിവിധ ബാറുകളിൽ പോകുന്നതിനും സ്​ത്രീകളെ നിർബന്ധിക്കുകയും പലരും അതിന്​ നിർബന്ധിതരാവുകയും ചെയ്യുന്നുവെന്നും യുവതി പരാതിയിൽ ആരോപിക്കുന്നു. പരാതിയുടെ ഒരു കോപ്പി പ്രധാനമന്ത്രിക്കും അയച്ചിരുന്നു. 

പരാതി ലഭിച്ചതിനെ തുടർന്ന്​ വ്യോമയാന മന്ത്രി സുരേഷ്​ പ്രഭു മാനേജ്​മ​​െൻറിനോട്​ വിഷയത്തിൽ ഉടൻ ഇടപെട്ട്​ വേണ്ട നടപടികൾ സ്വീകരിക്കണമെന്ന്​ ആവശ്യപ്പെട്ടിരുന്നു. ആവശ്യമെങ്കിൽ വേറെ അതോറിറ്റിയെ കേസ്​ അന്വേഷിക്കാൻ നിയമിക്കാമെന്നും പ്രഭു ട്വിറ്ററിലൂടെ അറിയിച്ചു. എന്നാൽ മന്ത്രിയു​െട നിർദേശം കേട്ടതായിപ്പോലും എയർ ഇന്ത്യ അധികൃതർ ഭാവിച്ചില്ല. തുടർന്നാണ്​ പെൺകുട്ടി വനിതാ ശിശുക്ഷേമമന്ത്രിയെ സമീപിച്ചത്​. 

Show Full Article
TAGS:Air India Sexual Harassment Maneka Gandhi india news malayalam news 
News Summary - Air India sexual harassment case: Complete probe this month, Maneka Gandhi -India News
Next Story