കൃത്യവിലോപം: എഞ്ചിനീയർമാ​ർക്കെതിരെ എയർഇന്ത്യ നടപടിയെടുത്തു

ന്യൂഡൽഹി: കൃത്യവിലോപം വരുത്തിയതിന്​ രണ്ട്​ എഞ്ചിനീയർമാ​രെ എയർ ഇന്ത്യ ജോലിയിൽനിന്ന്​ മാറ്റി നിർത്തി. ഡൽഹി–കൊച്ചി വിമാനം യാത്ര പുറപ്പെട്ട്​ തിരിച്ചിറക്കേണ്ടി വന്ന സാഹചര്യത്തിലാണ്​ നടപടി. വിമാനം പുറപ്പെടുന്നതിനു ​ മുമ്പ്​ എഞ്ചിനീയർമാർ വിമാനത്തി​​െൻറ ലാൻഡിങ്​ ഗിയർ പിൻസ്​ ഒഴിവാക്കണം. എന്നാൽ മാത്രമേ ചക്രങ്ങൾ ഉള്ളിലേക്ക്​ വലിക്കാനാകൂ. അത്​ ചെയ്യാത്തതിനൽ വിമാനം യാത്ര തുടരാനാകാതെ തിരിച്ചിറക്കേണ്ടി വരികയായിരുന്നു. തുടർന്നാണ്​ എഞ്ചിനീയർമാർക്കെതിരെ നടപടി സ്വീകരിച്ചത്​. ഇതേതുടർന്ന്​ ഡൽഹി –കൊച്ചി വിമാനം വൈകിയിരുന്നു.