You are here

എയർ ഇന്ത്യ വിമാനം പറന്നുയരുന്നതിനിടെ മതിലിൽ ഇടിച്ചു

09:22 AM
12/10/2018
air india hit-India news

ചെന്നൈ: തമിഴ്​നാട്ടിലെ തൃശിനാപ്പള്ളി വിമാനത്താവളത്തിൽ നിന്നും പറന്നുയർന്ന എയർഇന്ത്യ  എക്​സ്​പ്രസ്​ വിമാനം മതിലിൽ ഇടിച്ചു. തൃശിനാപ്പള്ളിയിൽ നിന്നും ദുബൈയിലേക്കുള്ള വിമാനമാണ്​ പറന്നുയരുന്നതിനിടെ വിമാനത്താവളത്തി​​െൻറ ചുറ്റുമതിലിൽ ഇടിച്ചത്​. 136 യാത്രക്കാരാണ്​ വിമാനത്തിൽ ഉണ്ടായിരുന്നത്​.

ഇടിയുടെ ആഘാതത്തിൽ വിമാനത്തി​​െൻറ താഴ്​ഭാഗത്തിന്​ കേടുപാടുണ്ടായി. എന്നാൽ ഇത്​ സർവീസ്​ നടത്തുന്നതിന്​ തടസമാകില്ലെന്ന കണ്ടെത്തലിനെ തുടർന്ന്​ വിമാനം കൂടുതൽ പരിശോധനക്കായി മുംബൈ വിമാനത്താവളത്തിലേക്ക്​ തിരിച്ചു. യാത്രക്കാരെല്ലാം സുരക്ഷിതരാണെന്നും മുംബൈയിൽ നിന്നും എയർ ഇന്ത്യയുടെ മറ്റൊരു വിമാനത്തിൽ ഇവരെ ദുബൈയിലെത്തിക്കുമെന്നും എയർ ഇന്ത്യ എക്​സ്​പ്രസ്​ അധികൃതർ അറിയിച്ചു. 

സംഭവത്തിൽ ഡയറക്​ടർ ജനറൽ ഒാഫ്​ സിവിൽ ഏവിഷേൻ അന്വേഷണത്തിന്​ ഉത്തരവിട്ടിട്ടുണ്ട്​. അന്വേഷണം കഴിയുന്നതുവരെ ജോലിയിൽ നിന്ന്​ പൈലറ്റിനെയും കോ പൈലറ്റിനെയും മാറ്റി നിർത്തുമെന്നും ഡി.ജി.സി.എ അറിയിച്ചു. 

Loading...
COMMENTS