വ്യോമ, നാവികസേന മേധാവികൾക്ക്​ ഇനി സെഡ്​ പ്ലസ്​ കാറ്റഗറി സുരക്ഷ

ന്യൂഡൽഹി: പുൽവാമ ഭീകരാക്രമണത്തിന്​ ശേഷം ഇന്ത്യയും പാകിസ്​താനും തമ്മിലുള്ള സംഘർഷം രൂക്ഷമാകുന്നതിനിടെ വ്യോമ, നാവികസേന മേധാവികളുടെ സുരക്ഷ വർധിപ്പിക്കാൻ കേന്ദ്രസർക്കാർ തീരുമാനം. കേന്ദ്ര ആഭ്യന്തര മന്ത്രാലയമാണ്​ തീരുമാനമെടുത്തത്​.

ആഭ്യന്തര മന്ത്രാലയത്തി​​െൻറ യോഗത്തിന്​ ശേഷമാണ്​ വ്യോമസേന മേധാവി എയർ ചീഫ്​ മാർഷൻ ബ്രിന്ദേർ സിങ് ദാനോക്കും നാവികസേന മേധാവി അഡ്​മിറൽ സുനിൽ ലാൻബക്കും സെഡ്​ പ്ലസ്​ കാറ്റഗറിയിലുള്ള സുരക്ഷ നൽകാൻ നിർദേശിച്ചത്​. ഇതുമായി ബന്ധപ്പെട്ട്​ ഉത്തരവ്​ പുറത്തിറങ്ങിയ സമയം മുതൽ ഇരുവർക്കും അധിക സുരക്ഷ ഒരുക്കണമെന്നാണ്​ കേന്ദ്രസർക്കാർ ഡൽഹി പൊലീസിന്​ നൽകിയിരിക്കുന്ന നിർദേശം.

രാജ്യത്തെ ഏറ്റവും വലിയ സുരക്ഷാ സംവിധാനമാണ്​ സെഡ്​ പ്ലസ്​ കാറ്റഗറി. 10 എൻ.എസ്​.ജി കമാൻഡോകൾ ഉൾപ്പ​െട 55 പേരാണ്​ സെഡ്​ പ്ലസ്​ കാറ്റഗറിയിൽ സുരക്ഷയൊരുക്കുക.