Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകർഷക സമരത്തിൽ നിന്ന്​...

കർഷക സമരത്തിൽ നിന്ന്​ പിൻമാറില്ല; വി.എം. സിങ്ങിനെ തള്ളി കിസാൻ സംഘർഷ് കമ്മിറ്റി

text_fields
bookmark_border
കർഷക സമരത്തിൽ നിന്ന്​ പിൻമാറില്ല; വി.എം. സിങ്ങിനെ തള്ളി കിസാൻ സംഘർഷ് കമ്മിറ്റി
cancel
camera_alt

എ.ഐ.കെ.എസ്.സി.സി മുൻ കൺവീനർ വി.എം സിങ്​ 

ന്യൂഡൽഹി: കർഷക സമരത്തിൽ നിന്ന്​ പിൻമാറില്ലെന്നും 60 ദിവസമായി നടക്കുന്ന സമരം കർഷക വിരുദ്ധ നിയമങ്ങൾ പിൻവലിക്കുന്നത്​ വരെ തുടരുമെന്നും ഓൾ ഇന്ത്യ കിസാൻ സംഘർഷ് കോ ഓർഡിനേഷൻ കമ്മിറ്റി (എ.ഐ.കെ.എസ്.സി.സി). കർഷക പ്രക്ഷോഭത്തിനുള്ള പിന്തുണ പിൻവലിക്കുന്നുവെന്ന്​ സംഘടനയുടെ മുൻ കൺവീനർ വി.എം സിങ്​ ഒരു വിഭാഗം മാധ്യമങ്ങളോട് പറഞ്ഞതിന്​ പിന്നാലെയാണ്​ എ.ഐ.കെ.എസ്.സി.സി ദേശീയ സെക്രട്ടറി അവിക് സാഹയുടെ വിശദീകരണം.

വി.എം. സിങ്ങിന്​ അത്തരം പ്രസ്താവന പുറപ്പെടുവിക്കാൻ അധികാരമില്ലെന്നും 40 സംഘടനകൾ ചേർന്ന്​ നടത്തുന്ന സമരം തുടരുമെന്നും സാഹ കൂട്ടിച്ചേർത്തു. വി.എം. സിങ്ങിനെ ദേശീയ കൺവീനർ സ്​ഥാനത്ത്​ നിന്ന്​ ഡിസംബറിൽ പുറത്താക്കിയിരുന്നു. സമരസമിതിയുടെ അനുമതിയില്ലാതെ സർക്കാരുമായി ഒത്തുതീർപ്പ്​ ചർച്ച നടത്താൻ മുന്നിട്ടിറങ്ങിയതിനായിരുന്നു നടപടി.

റിപബ്ലിക് ദിനത്തിൽ ഡൽഹിയിൽ ട്രാക്ടർ പരേഡിനിടെയുണ്ടായ അക്രമത്തിന്‍റെ പശ്​ചാത്തലത്തിൽ തങ്ങൾ പിൻമാറുന്നുവെന്നാണ്​​ രാഷ്ട്രീയ കിസാൻ മസ്ദൂർ സംഗതൻ (ആർ.കെ.എം.എസ്​) നേതാവായ വി.എം സിങ്​ ബുധനാഴ്ച പ്രഖ്യാപിച്ചത്​. സമര രീതിയുമായി ഒത്തുപോകാൻ കഴിയാത്തതിനാൽ പിന്മാറുന്നുവെന്നായിരുന്നു അദ്ദേഹം പറഞ്ഞത്​.

"ആളുകളെ രക്തസാക്ഷികളാക്കാനോ മർദിക്കാനോ അല്ല ഞങ്ങൾ ഇവിടെ വന്നത്​. മറ്റുലക്ഷ്യങ്ങളുമായി സമരം നടത്തുന്നവരോടൊപ്പം ഞങ്ങൾക്ക് പ്രതിഷേധം മുന്നോട്ട് കൊണ്ടുപോകാൻ കഴിയില്ല. അവർക്ക് നന്മ നേരുന്നു. രാഷ്ട്രീയ കിസാൻ മസ്ദൂർ സംഗതൻ ഈ പ്രതിഷേധത്തിൽ നിന്ന് പിന്മാറുകയാണ്. രാകേഷ് ടികായത്​ നയിക്കുന്ന പ്രതിഷേധവുമായി എനിക്ക് യാതൊരു ബന്ധവുമില്ല'' -സിങ്​ മാധ്യമങ്ങളോട്​ പറഞ്ഞു.

ഇതിന്​ പിറകെയാണ്​ സമരത്തിൽനിന്ന്​ സംഘടന പിന്മാറിയിട്ടില്ലെന്ന്​ എ.ഐ.കെ.എസ്.സി ദേശീയ സെക്രട്ടറി അവിക് സാഹ വ്യക്​തമാക്കിയത്​. സാഹ തള്ളിപ്പറഞ്ഞതോടെ, എ.ഐ.കെ.എസ്.സി.സി പിന്മാറുന്നുവെന്നല്ല രാഷ്​ട്രീയ കിസാൻ മസ്ദൂർ സംഗതൻ പിൻമാറുന്നുവെന്നാണ്​ താൻ പറഞ്ഞതെന്ന വിശദീകരണവുമായി വി.എം സിങ്​ രംഗത്തെത്തി.

കർഷക വിരുദ്ധ നിയമങ്ങൾ പിൻവലിക്കണമെന്നാവശ്യപ്പെട്ട്​ നവംബർ 26നാണ്​ കർഷകർ സമരം തുടങ്ങിയത്​. രണ്ടുമാസമായിട്ടും ഒത്തുതീർപ്പിലെത്താൻ സർക്കാറിന്​ കഴിഞ്ഞിട്ടില്ല. കർഷക ക്ഷേമത്തിനെന്ന്​ പറഞ്ഞ്​ കേന്ദ്ര സർക്കാർ ​െകാണ്ടുവന്ന നിയമങ്ങൾ കർഷകരുടെ നിലനിൽപിന്​ തന്നെ ഭീഷണിയാണെന്നാണ്​ കർഷക സംഘടനകൾ ആരോപിക്കുന്നത്​. കർഷകർക്ക്​ വേണ്ടാത്ത നിയമം പിന്നെ ആർക്ക്​ വേണ്ടിയാണ്​ നടപ്പാക്കുന്നതെന്ന ചോദ്യത്തിനും സർക്കാറിന്​ മറുപടിയില്ല.

റിപബ്ലിക്​ ദിനത്തിൽ നടന്ന സംഘർഷത്തെ കർഷക സംഘടനകളുടെ ഏകോപനവേദിയായ സംയുക്ത കിസാൻ മോർച്ച (എസ്‌.കെ.എം) അപലപിച്ചിരുന്നു. സമരത്തിൽ നുഴഞ്ഞുകയറിയവരാണ്​ അക്രമത്തിനുപിന്നിലെന്നും അവർ ആരോപിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:farmerrepublic dayAIKSCCAvik Saha
News Summary - AIKSCC not withdrawn support from farmers protest -national secretary Avik Saha
Next Story