Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightതെലങ്കാന: പ്രതികളെ...

തെലങ്കാന: പ്രതികളെ ഡിസംബർ 31ന്​ മുമ്പ്​ തൂക്കിലേറ്റണമെന്ന്​ എ.ഐ.എ.ഡി.എം.കെ

text_fields
bookmark_border
തെലങ്കാന: പ്രതികളെ ഡിസംബർ 31ന്​ മുമ്പ്​ തൂക്കിലേറ്റണമെന്ന്​ എ.ഐ.എ.ഡി.എം.കെ
cancel

ന്യൂഡൽഹി: തെലങ്കാനയിൽ കൂട്ടബലാൽസംഗത്തിന്​ പെൺകുട്ടിയെ തീവെച്ച്​ കൊന്ന സംഭവത്തിൽ പ്രതികളെ ഡിസംബർ 31ന്​ മുമ്പ്​ തൂക്കിലേറ്റണമെന്ന്​ എ.ഐ.എ.ഡി.എം.കെ. പാർട്ടി എം.പി വിജില സത്യാനന്ദ്​ രാജ്യസഭയിലാണ്​ ആവശ്യം ഉന്നയിച്ചത്​. രാജ്യം കുട്ടികൾക്കും സ്​ത്രീകൾക്കും സുരക്ഷിതമല്ലെന്നും അവർ പറഞ്ഞു.

നാല്​ പേർ തെലങ്കാന പീഡനത്തിൽ കുറ്റാരോപിതരാണ്​. അവരെ ഡിസംബർ 31ന്​ മുമ്പായി തൂക്കിലേറ്റണം. ഇതിനായി ഫാസ്​റ്റ്​ട്രാക്ക്​ കോടതികൾ സ്ഥാപിക്കണം. കേസിൽ നീതി വൈകരുതെന്നും അവർ വ്യക്​തമാക്കി. പ്രതികളെ പരസ്യമായി തല്ലിക്കൊല്ലണമെന്ന്​ ജയാബച്ചൻ ആവശ്യപ്പെട്ടു. നിയമങ്ങൾ കൊണ്ട്​ മാത്രം ഇത്തരം കുറ്റകൃത്യങ്ങളെ തടയാനാവില്ലെന്ന്​ കോൺഗ്രസ്​ നേതാവ്​ ഗുലാം നബി ആസാദ്​ പറഞ്ഞു. പീഡനകേസുകൾക്കെതിരായി കൂട്ടായുള്ള പ്രതിരോധം ഉയർന്ന്​ വരണമെന്നും അദ്ദേഹം കൂട്ടിച്ചേർത്തു.

ഇന്ന്​ രാവിലെ രാജ്യസഭയിലും ലോക്​സഭയിലും പ്രതിപക്ഷം തെലങ്കാന കൂട്ടബലാൽസംഗം ഉയർത്തുകയായിരുന്നു. തുടർന്ന്​ ഇരുസഭകളിലും വിഷയം ചർച്ച ചെയ്​തു.

Show Full Article
TAGS:TELANGANA Doctor MURDER india news 
News Summary - AIADMK in telgana Rape case-India news
Next Story