വീട്ടിൽ ഒരാൾക്ക് സർക്കാർ ജോലി, വാഷിങ് മെഷീൻ; അണ്ണാ ഡി.എം.കെ പ്രകടന പത്രികയായി

ചെന്നൈ: ഒരു കുടുംബത്തിൽ ഒരാൾക്ക് സർക്കാർ ജോലി, ഓരോ കുടുംബത്തിനും സൗജന്യ വാഷിൻമെഷിൻ ഉൾപ്പെടെ നിരവധി വാഗ്​ദാനങ്ങളുമായി അണ്ണാ ഡി.എം.കെ പ്രകടന പത്രിക. ഞായറാഴ്​​ച ​ൈവകീട്ട്​ മുഖ്യമന്ത്രി എടപ്പാടി പളനിസാമി, ഉപമുഖ്യമന്ത്രി ഒ. പന്നീർശെൽവം എന്നിവരാണ്​ പ്രകടന പത്രിക പ്രകാശനം ചെയ്​തത്​.

ഇതുകൂടാതെ, കോളജ്​ വിദ്യാർഥികൾക്ക്​ 2ജി ഡാറ്റ സൗജന്യം, വിദ്യാഭ്യാസ വായ്​പ എഴുതി തള്ളും, സൗജന്യ കേബിൾ ടി.വി കണക്​ഷൻ, സർക്കാർ ജീവനക്കാർക്ക്​ ഒരു വർഷക്കാലത്തെ പ്രസവാവധി, വീട്ടമ്മമാർക്ക്​ മാസന്തോറും 1,500 രൂപ, ടൗൺബസുകളിൽ വനിതകൾക്ക്​ 50 ശതമാനം ടിക്കറ്റ്​ നിരക്ക്​ ഇളവ്​, റേഷൻകാർഡുടമകൾക്ക്​ സൗജന്യ സോളാർ അടുപ്പ്​, തൊഴിലുറപ്പ്​ പദ്ധതി 150 ദിവസം, ഒാ​േട്ടാറിക്ഷ വാങ്ങുന്നതിന്​ 25,000 രൂപ സബ്​സിഡി തുടങ്ങി ഒട്ടനവധി വാഗ്​ദാനങ്ങളാണ്​ പ്രകടന പത്രികയിൽ ഉൾപ്പെടുത്തിയിരിക്കുന്നത്​.