You are here

പീഡനം: നിത്യനാനന്ദയുടെ അനുയായികൾ അറസ്​റ്റിൽ

16:54 PM
21/11/2019
NITHYANADA

ന്യൂഡൽഹി: പ്രായപൂർത്തിയാകാത്ത പെൺകുട്ടികൾ പീഡിപ്പിക്കപ്പെട്ട സംഭവവുമായി ബന്ധപ്പെട്ട്​ സ്വയം പ്രഖ്യാപിത ആൾദൈവം നിത്യാനന്ദയുടെ രണ്ട്​ അനുയായികളെ ​പൊലീസ്​ അറസ്​റ്റ്​ ചെയ്​തു. നിത്യാനന്ദയുടെ രണ്ട്​ മാനേജർമാരെയാണ്​  അറസ്​റ്റ്​ ചെയ്​തത്​. കേസുമായി ബന്ധപ്പെട്ട്​ ഗുജറാത്ത്​ ഹൈകോടതി നിത്യാനന്ദക്ക്​ നോട്ടീസയക്കുകയും ചെയ്​തിട്ടുണ്ട്​. 

30കാരനായ ഹരിനി ചെല്ലപ്പനും 24കാരൻ റിദ്ദി രവികിരണുമാണ്​ അറസ്​റ്റിലായത്​. ഇരുവരേയും അഹമ്മദാബാദിലെ ഹിരാപൂരിലെ നിത്യാനന്ദയുടെ ആശ്രമത്തിൽ നിന്ന്​ അറസ്​റ്റ്​ ചെയ്യുകയായിരുന്നു. കുട്ടികളുടെ പരാതിയിലാണ്​ രണ്ട്​ പേരെയും അറസ്​റ്റ്​ ചെയ്​തതെന്ന്​ പൊലീസ്​ അറിയിച്ചു.

തമിഴ്​നാട്ടിൽ നിന്നുള്ള രണ്ട്​ പെൺകുട്ടികളെ നിത്യാനന്ദയുടെ ആശ്രമത്തിൽ തടഞ്ഞുവെച്ചിരിക്കുകയാണെന്ന പരാതിയുമായി രക്ഷിതാക്കൾ കഴിഞ്ഞ ദിവസം രംഗത്തെത്തിയിരുന്നു. കുട്ടികളെ ശാരീരികമായും മാനസികമായും പീഡിപ്പിക്കുകയാണെന്നായിരുന്നു പരാതി. ഇതിന്​ പിന്നാലെയാണ്​ ഇക്കാര്യത്തിൽ നടപടിയുമായി പൊലീസ്​ രംഗത്തെത്തിയത്​.
 

Loading...
COMMENTS