വി​മാ​ന​ദു​ര​ന്തം: ഡി.എൻ.എ പരിശോധനയിലൂടെ ആറ് പേരെ തിരിച്ചറിഞ്ഞു

അ​ഹ്മ​ദാ​ബാ​ദ്: എ​യ​ർ ഇ​ന്ത്യ വി​മാ​ന​ദു​ര​ന്ത​ത്തി​ൽ മ​രി​ച്ച​വ​രി​ൽ ഡി.​എ​ൻ.​എ പ​രി​ശോ​ധ​ന​യി​ലൂ​ടെ തി​രി​ച്ച​റി​ഞ്ഞ​ത് ആ​റ് മൃ​ത​ദേ​ഹ​ങ്ങ​ൾ. ഈ ​മൃ​ത​ദേ​ഹ​ങ്ങ​ൾ ബ​ന്ധു​ക്ക​ൾ​ക്ക് ഉ​ട​ൻ വി​ട്ടു​ന​ൽ​കും. ബ​ന്ധു​ക്ക​ൾ നേ​രി​ട്ട് തി​രി​ച്ച​റി​ഞ്ഞ എ​ട്ട് മൃ​ത​ദേ​ഹ​ങ്ങ​ൾ നേ​ര​ത്തേ വി​ട്ടു​​കൊ​ടു​ത്തി​രു​ന്നു. ഡി.​എ​ൻ.​എ സാ​മ്പി​ളു​ക​ൾ താ​ര​ത​മ്യം ​ചെ​യ്ത് ഉ​റ​പ്പു​വ​രു​ത്താ​ൻ 72 മ​ണി​ക്കൂ​ർ സ​മ​യം ആ​വ​ശ്യ​മാ​ണ്.

ഡി.​എ​ൻ.​എ പ​രി​ശോ​ധ​ന​യു​മാ​യി ബ​ന്ധ​​പ്പെ​ട്ട് ഗു​ജ​റാ​ത്ത് ആ​ഭ്യ​ന്ത​ര​മ​ന്ത്രി ഹ​ർ​ഷ് സാം​ഗ്‍വി ഇ​ന്ന​ലെ ഫോ​റ​ൻ​സി​ക് സ​യ​ൻ​സ് ലാ​ബോ​റ​ട്ട​റി അ​ധി​കൃ​ത​രു​ടെ യോ​ഗം വി​ളി​ച്ചി​രു​ന്നു. മൃ​ത​ദേ​ഹ​ങ്ങ​ൾ പെ​ട്ടെ​ന്ന് തി​രി​ച്ച​റി​ഞ്ഞ് വി​ട്ടു​കൊ​ടു​ക്കു​ന്ന​തി​നാ​ണ് മു​ൻ​ഗ​ണ​ന​യെ​ന്ന് മ​ന്ത്രി പ​റ​ഞ്ഞു. സം​സ്ഥാ​ന ഉ​ദ്യോ​ഗ​സ്ഥ​ർ​ക്ക് പു​റ​മേ, കേ​ന്ദ്ര സ​ർ​ക്കാ​ർ അ​യ​ച്ച വി​ദ​ഗ്ധ​രും ഡി.​എ​ൻ.​എ പ​രി​ശോ​ധ​ന​ക്കാ​യി മു​ഴു​സ​മ​യ​വും ക​ർ​മ​നി​ര​ത​രാ​ണ്. പ​രി​ശോ​ധ​ന​ക്കു​ശേ​ഷം മൃ​ത​ദേ​ഹ​ങ്ങ​ൾ സി​വി​ൽ ഹോ​സ്പി​റ്റ​ലി​ലേ​ക്കാ​ണ് മാ​റ്റു​ന്ന​ത്.

ഡി.​എ​ൻ.​എ പ​രി​ശോ​ധ​ന ഫ​ലം ല​ഭി​ച്ച​തി​ന് പി​ന്നാ​ലെ ബ​ന്ധു​ക്ക​​ളെ വി​വ​ര​മ​റി​യി​ച്ചെ​ന്ന് സി​വി​ൽ ഹോ​സ്പി​റ്റ​ൽ അ​ഡീ​ഷ​ന​ൽ സൂ​പ്ര​ണ്ട് ഡോ. ​ര​ജ​നീ​ഷ് പ​ട്ടേ​ൽ പ​റ​ഞ്ഞു. മ​രി​ച്ച 220 പേ​രു​ടെ ബ​ന്ധു​ക്ക​ൾ ഡി.​എ​ൻ.​എ സാ​മ്പി​ൾ ന​ൽ​കാ​നാ​യി പൊ​ലീ​സി​നെ ബ​ന്ധ​പ്പെ​ട്ടി​രു​ന്നു. മോ​ർ​ച്ച​റി​യി​ലെ​ത്തു​ന്ന ബ​ന്ധു​ക്ക​ളെ പി​ന്നീ​ട് സാ​മ്പി​ളു​ക​ൾ ശേ​ഖ​രി​ക്കാ​നാ​യി ബി.​ജെ ഹോ​സ്പി​റ്റ​ലി​ലേ​ക്കാ​ണ് അ​യ​ക്കു​ന്ന​ത്.