മോദിയുടെ കൊച്ചി, ​െചന്നെ സന്ദർശനത്തിന്​ മു​േമ്പ 'ഗോ ബാക്ക്​ മോദി'യുമായി ട്വിറ്റർ കാമ്പയിൻ

ന്യൂഡൽഹി: പ്രധാനമന്ത്രിയുടെ ​തമിഴ്​നാട്​, കേരള സന്ദർശനത്തിന്​ മുന്നോടിയായി ട്വിറ്ററിൽ ട്രെൻഡിങ്ങായി 'ഗോ ബാക്ക് മോദി' ഹാഷ്​ടാഗ്​. തെരഞ്ഞെടുപ്പിന്​ മുന്നോടിയായാണ്​ പ്രധാനമന്ത്രിയുടെ സന്ദർശനം.

തമിഴ്​നാട്ടിലെ പരിപാടികൾക്ക്​ ശേഷമാണ്​ കൊച്ചിയിലെത്തുന്നത്​. ട്വിറ്ററിൽ ഗോബാക്ക്​ മോദി ഹാഷ്​ടാഗിൽ പോസ്റ്റുകൾ നിറഞ്ഞു. കാർട്ടൂണുകൾ ഉൾപ്പെടെ പങ്കുവെച്ചാണ്​ ട്വിറ്ററിലെ പ്രതിഷേധം. തകർന്ന സമ്പദ്​വ്യവസ്​ഥ, തൊഴിലില്ലായ്​മ, കർഷക സമരം, ഇന്ധന വില വർധന തുടങ്ങിയവ ചൂണ്ടിക്കാട്ടിയാണ്​ പ്രതിഷേധം ഉയരുന്നത്​. പൊതുമേഖല സ്​ഥാപനങ്ങളുടെ വിറ്റഴിക്കലും ചൈനീസ്​ കടന്നുകയറ്റവും ട്വിറ്ററിൽ ചർച്ചയാകുന്നുണ്ട്​.

നിയമസഭ തെരഞ്ഞെടുപ്പ്​ അടുത്തതോടെയാണ്​ ഇരു സംസ്​ഥാനങ്ങളിലേക്കുമുള്ള മോദിയുടെ വരവ്​. ബി.ജെ.പി നേട്ടം മുന്നിൽകണ്ട്​ ഔദ്യോഗിക പദ്ധതികളുടെ പ്രഖ്യാപനമാണ്​ ​ ലക്ഷ്യം.

ജനുവരി 26ലെ പ്രധാനമന്ത്രിയുടെ മധുര സന്ദർശനത്തിന്​ മുന്നോടിയായും ട്വിറ്ററിൽ 'ഗോ ബാക്ക്​ മോദി' ഹാഷ്​ടാഗ്​ ട്രെൻഡിങ്ങിലെത്തിയിരുന്നു. എയിംസിന്‍റെ തറക്കല്ലിടൽ ചടങ്ങിനായിരുന്നു മോദി എത്തിയത്​.പതിവുപോലെ മോദിയുടെ സന്ദർശനത്തിന്​ മുന്നോടിയായി ഇത്തവണയും പ്രതിഷേധം ഉയരുകയായിരുന്നു.

ഞായറാഴ്ച രാവിലെ മോദി ചെന്നൈയിലെ പരിപാടികളിൽ പ​െങ്കടുക്കും. ഞായറാഴ്ച ഉച്ച 2.45ന്​ കൊച്ചി നാവിക സേന വിമാനത്താവളത്തിൽ പ്രധാനമന്ത്രിയെത്തും. ബി.പി.സി.എല്ലിന്‍റ പുതിയ മെ​ട്രോ കെമിക്കൽ പ്ലാന്‍റ്​ ഉദ്​ഘാടനത്തിനാണ്​ പ്രധാനമന്ത്രി ഞായറാഴ്ച കൊച്ചിയിലെത്തുക. അഞ്ച്​ ഔദ്യോഗിക പരിപാടികളിലും ബി.ജെ.പി കോർ കമ്മിറ്റി യോഗത്തിലും മോദി പ​ങ്കെടുക്കും.