ഗുജറാത്തിൽ 300 ദലിതർ ബുദ്ധമതം സ്വീകരിക്കുന്നു

അഹമദാബാദ്: ദലിത് സമുദായത്തോടുള്ള വിവേചനത്തിൽ പ്രതിഷേധിച്ച് ഗുജറാത്തിലെ ഉനയിൽ ദലിതുകൾ കൂട്ടത്തോടെ ബുദ്ധമതം സ്വീകരിക്കുന്നു. 300 ദലിതരാണ് ബുദ്ധമതം സ്വീകരിക്കുന്നത്. 

ഞായറാഴ്ച ബുദ്ധപൂർണിമ ദിനത്തിൽ നടക്കുന്ന ചടങ്ങിൽ സ്വന്തം ഇഷ്ടപ്രകാരം ബുദ്ധ മതം സ്വീകരിക്കുമെന്ന് ചൂണ്ടിക്കാട്ടി 300 പേരാണ് വ്യക്തിഗത വിവരങ്ങൾ ജില്ലാ ഭരണാധികാരികൾക്ക് കൈമാറിയത്. ചടങ്ങിലേക്ക് ബുദ്ധ സന്യാസിമാരെയും പ്രാദേശിക രാഷ്ട്രീയ നേതാക്കളെയും ക്ഷണിച്ചിട്ടുണ്ട്.