Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅഗസ്​റ്റ...

അഗസ്​റ്റ വെസ്​റ്റ്​ലാൻറ്​ അഴിമതി​ കേസ്​: ക്രിസ്​ത്യൻ മിഷേലി​െൻറ ഇടക്കാല ജാമ്യഹരജി തള്ളി

text_fields
bookmark_border
അഗസ്​റ്റ വെസ്​റ്റ്​ലാൻറ്​ അഴിമതി​ കേസ്​: ക്രിസ്​ത്യൻ മിഷേലി​െൻറ ഇടക്കാല ജാമ്യഹരജി തള്ളി
cancel

ന്യൂഡൽഹി: അഗസ്​റ്റ വെസ്​റ്റ്​ലാൻറ്​ ഹെലികോപ്​ടർ അഴിമതി​ കേസിൽ അറസ്​റ്റിലായ ഇടനിലക്കാരൻ ക്രിസ്​റ്റ്യൻ മിഷ േൽ സമർപ്പിച്ച ഇടക്കാല ജാമ്യഹരജി സുപ്രീംകോടതി തള്ളി. തിഹാർ ജയിലിൽ കഴിയുന്ന മിഷേൽ കോവിഡ്​-19 പടരുന്ന സാഹചര്യത് തിലാണ്​ ജാമ്യം തേടി സുപ്രീംകോടതിയെ സമീപിപ്പിച്ചത്​. എന്നാൽ ജസ്​റ്റിസുമാരായ​ സഞ്​ജയ്​ കിഷൻ കൗൾ, ബി.ആർ ഗവായ്​ എന്നിവരടങ്ങിയ ബെഞ്ച്​ ഹരജി തള്ളുകയായിരുന്നു.

ലോക്​ഡൗൺ ആയതിനാൽ വിഡിയോ കോൺഫറൻസിങ്​ വഴിയായിരുന്നു കോടതി നടപടികൾ. അഡ്വ. അൽജോ കെ ജോസഫ്​ ആണ്​ മിഷേലിനു വേണ്ടി ഹാജരായത്​. 59 വയസുള്ള മിഷേലി​​െൻറ പ്രായവും തിഹാർ ജയിലിലെ തടവുകാരുടെ എണ്ണക്കൂടുതലും പരിഗണിക്കണമെന്നും ഒരു പക്ഷേ കോവിഡ്​ പിടിപെട്ടാൽ മരണകാരണമായേക്കുമെന്നും​ അഭിഭാഷകൻ അഭ്യർഥിച്ചു. ഇതേ കാരണങ്ങൾ ചൂണ്ടിക്കാട്ടി ഏപ്രിൽ ഏഴിന്​ സമർപ്പിച്ച ജാമ്യഹരജി ഡൽഹി ഹൈകോടതിയും തള്ളിയിരുന്നു.

ദുബായിലേക്ക്​ കടന്ന മിഷേലിനെ 2018 ഡിസംബർ 22നാണ്​ എൻഫോഴ്​സ്​മ​െൻറ്​ ഡയറക്​ടറേറ്റ്​(ഇ.ഡി) അറസ്​റ്റ്​ ചെയ്​തത്​. കേസിൽ സി.ബി.യും അന്വേഷണം നടത്തുന്നുണ്ട്​. യു.പി.എ ഭരണകാലത്ത്​ ഇറ്റലി ആസ്​ഥാനമായ അഗസ്​റ്റ വെസ്​റ്റ്​ലൻറ്​ കമ്പനിയിൽ നിന്ന്​ 3600 കോടി രൂപ മുടക്കി ​12 ഹെലികോപ്​റ്റർ വാങ്ങിയതിൽ മുതിർന്ന സൈനിക ഉദ്യോഗസ്​ഥരും രാഷ്​ട്രീയ നേതാക്കളും കോഴ വാങ്ങിയെന്നാണ്​ കേസ്​.

Show Full Article
TAGS:agustaWestland chopper scam supreme court Christian Michel india news 
News Summary - AgustaWestland Case: Supreme Court Dismisses Christian Michel's Interim Bail Plea - India news
Next Story