Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ ഓക്​സിജൻ...

യു.പിയിൽ ഓക്​സിജൻ ബന്ധം വിച്ഛേദിച്ചു 22 രോഗികളെ 'കൊലപ്പെടുത്തിയ' സംഭവം; ആശുപത്രിയുടെ ലൈസൻസ്​ റദ്ദാക്കി

text_fields
bookmark_border
യു.പിയിൽ ഓക്​സിജൻ ബന്ധം വിച്ഛേദിച്ചു 22 രോഗികളെ കൊലപ്പെടുത്തിയ സംഭവം; ആശുപത്രിയുടെ ലൈസൻസ്​ റദ്ദാക്കി
cancel

ലഖ്​നോ: വെൻറിലേറ്ററിൽ ചികിത്സയിലായിരുന്ന രോഗികളുടെ ഓക്​സിജൻ ബന്ധം വി​ച്​ഛേദിച്ച്​ മോക്​ഡ്രിൽ നടത്തിയ യു.പിയിലെ ആശുപത്രിയുടെ ലൈസൻസ്​ സസ്​പെൻഡ്​ ചെയ്​തു.ആഗ്രയിലെ പാരാസ്​ ആശുപത്രി ഉടമ അരിഞ്ജയ്​​ ജെയ്​നെ ഉടനെ അറസ്​റ്റ്​ ചെയ്​തേക്കും. ഓക്സിജൻ മോക് ഡ്രില്ലിനിടെ 22 പേർ മരിച്ചെന്ന ആശുപത്രി ഉടമയുടെ വെളിപ്പെടുത്തലിനെ തുടർന്നാണ്​ നടപടി.

അത്യാസന്ന നിലയിലുള്ള രോഗികളുടെ ഓക്​സിജൻ ബന്ധം വി​ച്ഛേദിച്ചുവെന്ന വെളിപ്പെടുത്തുന്ന ആശുപത്രി ഉടമയുടെ വിഡിയോ സ​ന്ദേശം കഴിഞ്ഞ ദിവസം പുറത്തുവന്നിരുന്നു. ഇതിനെ തുടർന്ന്​ വ്യാപക പ്രതിഷേധം ഉയരുകയും സംസ്ഥാന സർക്കാർ അന്വേഷണത്തിന്​ ഉത്തരവിടുകയും ചെയ്​തിരുന്നു. ഇതിന്​ പിന്നാലെ ഉടമ വിഡിയോ നിഷേധിച്ച്​ രംഗത്തെത്തിയെങ്കിലും ആരോഗ്യവകുപ്പും അന്വേഷണവുമായി മുന്നോട്ട്​ പോവുകയായിരുന്നു. ആഗ്ര ചീഫ്​ മെഡിക്കൽ ഓഫിസർ ഡോ. ആർ.സി. പാണ്ഡെ ഒരു കമ്മിറ്റി രൂപീകരിച്ച്​ അന്വേഷണത്തിന്​ ഉത്തരവിട്ടിരുന്നു. ഇതിനെ തുടർന്നാണ്​ ആശുപത്രിക്കെതിരെ നടപടി ഉണ്ടായത്​.

''ഏപ്രിൽ 26ന്​ രാവിലെ ഏഴുമണിയോടെ അഞ്ചുമിനിറ്റ്​ ഓക്​സിജൻ വിതരണം നിർത്തിവെച്ചു. അപ്പോൾ 22 രോഗികൾ ജീവശ്വാസത്തിനായി ബുദ്ധിമുട്ടുകയും അവരുടെ ശരീരം നീലനിറമാകാൻ തുടങ്ങി. അതോടെ അവർ ജീവിച്ചിരിക്കില്ലെന്ന്​ ഞങ്ങൾക്ക്​ ഉറപ്പായി. അതിന്​ പിന്നാലെ തീവ് പരിചരണ വിഭാഗത്തിലുള്ള 74 രോഗികളുടെ ബന്ധുക്കളോട് ഓക്സിജൻ സിലിണ്ടർ സ്വയം കണ്ടെത്താൻ ആശുപത്രി ഉടമയായ ഡോ. അരിഞ്ജയ് ജെയ്ൻ​ ആവശ്യപ്പെടുന്ന ഒന്നര മിനിറ്റ് ദൈർഘ്യമുള്ള ഓഡിയോ സ​ന്ദേശവും പുറത്ത്​ വന്നിരുന്നു.''

22 പേരുടെയും മരണകാരണമായി ആശുപത്രി അധികൃതർ വിശദീകരിച്ചത്​ ഓക്​സിജൻ ക്ഷാമം കാരണമാണെന്നായിരുന്നു. അതേസമയം വിഡിയോ വൈറലാവുകയും വിവാദമാവുകയും ചെയ്​തതതോടെ വിശദീകരണവുമായി ജെയ്​ൻ രംഗത്തെത്തി.അപകടനിലയിലുള്ള രോഗികളെ കണ്ടെത്തി​ മികച്ച ചികിത്സ ഉറപ്പാക്കാനാണ്​​ മോക്​ ഡ്രിൽ സംഘടിപ്പിച്ചതെന്നായിരുന്നു ഉടമയുടെ വിശദീകരണം.

Show Full Article
TAGS:UP hospital Suspend 
News Summary - Agra Hospital Sealed as UP Govt Suspends License After 'Mock Drill' Video
Next Story