യുവാവ്​ കസ്​റ്റഡിയിൽ കൊല്ലപ്പെട്ടു; സ്​റ്റേഷനിലെ എല്ലാ പൊലീ​സുകാർക്കെതിരെയും ​കേസ്​

ആഗ്ര: മോഷണക്കുറ്റം ആരോപിച്ച്​ കസ്​റ്റഡിയിലെടുത്ത യുവാവ്​ മരിച്ച സംഭവത്തിൽ ആഗ്രയിലെ സിക്കൻദാര സ്​റ്റേഷനിലെ മുഴുവൻ പൊലീസുകാർക്കെതിരെയും കൊലപാതക കുറ്റം ചുമത്തി കേസ്​ രജിസ്​റ്റർ ചെയ്​തു. അയൽവീട്ടിൽ നിന്നും ആഭരണങ്ങൾ മോഷണം പോയ കേസിൽ കസ്​റ്റഡിയിലെടുത്ത ഹേമന്ദ്​ കുമാർ എന്ന 32കാരനാണ്​ പൊലീസ്​ മർദനത്തെ തുടർന്ന്​ കൊല്ലപ്പെട്ടത്​. കസ്​റ്റഡി മരണത്തിന്​ ഉത്തരവാദികളായ സ്​റ്റേഷൻ ഇൻസ്​പെക്​ടറെയും രണ്ട്​ സബ്​ ഇൻസ്​പെക്​ടർമാരെയും സസ്​പെൻഡ്​ ചെയ്​തിട്ടുണ്ട്​.

ഹേമന്ദ്​ ക​ുമാറും മാതാവ്​ റീനു കുമാറും വാടകക്ക്​ താമസിക്കുന്നതിന്​ സമീപമുള്ള വീട്ടിൽ നിന്ന്​ ഏഴു ലക്ഷം രൂപയുടെ ആഭരണങ്ങൾ കളവുപോയിരുന്നു. ഹേമന്ദിനെ സംശയമുണ്ടെന്ന അയൽവാസിയുടെ പരാതി പ്രകാരം പൊലീസ്​ ഇയാളെ കസ്​റ്റഡിയിലെടുക്കുകയായിരുന്നു. സ്​റ്റേഷനിലെത്തിച്ച ഇയാളെ മാതാവി​​​​െൻറ മുന്നിൽ വെച്ച്​ പൊലീസുകാർ ലാത്തികൊണ്ട്​ മർദിച്ചു. വൈകിട്ട്​ ആറു മണിക്ക്​ റീനു കുമാറിനെ വീട്ടിലേക്ക്​ മടക്കിവിട്ടു. എന്നാൽ ഒമ്പതുമണിയോടെ മകൻ മരിച്ചതായി പൊലീസ്​ അറിയിക്കുകയായിരുന്നു. ഹേമന്ദ്​ കുമാർ മാനസിക വെല്ലുവിളി നേരിട​​​​ുന്ന വ്യക്തിയാണെന്ന്​​ റീനു പറഞ്ഞുവെങ്കിലും പൊലീസ്​ ക്രൂരമർദത്തിന്​ ഇരയാക്കുകയായിരുന്നു.

ഹൃദയാഘാതവും തോളിലും കൈ​-കാലുകളിലേറ്റ പരിക്കേറ്റുമാണ്​ മരണകാരണമെന്നാണ്​ പോസ്​റ്റ്​മോർട്ടം റിപ്പോർട്ടിൽ പറയുന്നത്​.
ഹേമന്ദ്​ കുമാറിനെ പൊലീസിന്​ കൈമാറ​​ുന്നതിന്​ മുമ്പ്​ അയൽവീട്ടുകാർ മർദിച്ചിരുന്നുവെന്നും ഇവർക്കെതിരെ കേസെടുത്തതായും ​പൊലീസ്​ സൂപ്രണ്ട്​ അമിത്​ പതക്​ അറിയിച്ചു.