അഗ്നിപഥ് പ്രതിഷേധം: നേതാക്കൾക്ക് വി.ഐ.പി സുരക്ഷ

ന്യൂഡൽഹി: ബിഹാർ ഉപമുഖ്യമന്ത്രി രേണു ദേവിയടക്കം സംസ്ഥാനത്തെ പത്തോളം ബി.ജെ.പി നേതാക്കൾക്ക് വി.ഐ.പി സുരക്ഷ ഏർ​പെടുത്തി ആഭ്യന്തരമന്ത്രാലയം ഉത്തരവിറക്കി. അഗ്നിപഥ് പ്രതിഷേധത്തിൽ ബി.ജെ.പി ​നേതാക്കൾ ശാാരീരിക ഭീഷണിയടക്കം നേരിടുന്നുണ്ടെന്ന കേന്ദ്ര രഹസ്യാന്വേഷണ ഏജൻസികളുടെ റിപ്പോർട്ടിനെ തുടർന്നാണ് തീരുമാനം.

ഉപമുഖ്യമന്ത്രി രേണുദേവി,ബിഹാർ ബി.ജെ.പി അധ്യക്ഷൻ പശ്ചിം ചമ്പാരൻ, എം.പി സഞ്ജയ് ജയ്സ്വാൾ, എം.എൽ.എമാരായ ഹരിഭൂഷൺ താക്കൂർ, സഞ്ജയ് സര​യോഗി അടക്കമുള്ളവർക്കാണ് സി. ആർ. പി. എഫിന്റെ വൈ കാറ്റഗറി സുരക്ഷ. ഇതു പ്രകാരം രണ്ടോ മൂന്നോ കമാൻഡോകൾ സുരക്ഷക്കായി കൂടെയുണ്ടാകും.