ബാഹ്​മണി ഉത്​സവം നടത്തുന്ന കോൺഗ്രസ്​ ഹിന്ദു വിരുദ്ധരെന്ന്​ ബി.ജെ.പി 

ബംഗളൂരു: തെരഞ്ഞെടുപ്പ്​ അടുത്ത കർണാടകയിൽ പുതിയ വിവാദവുമായി ബി.ജെ.പി. ബാഹ്​മണി ഉത്​സവം ആഘോഷിക്കുന്നതിനെതിരെയാണ്​ ഇത്തവണ ബി.ജെ.പിയുടെ എതിർപ്പ്​. ടിപ്പു ജയന്തി ആ​േഘാഷം പോലെ തന്നെ ബാഹ്​മണി ഉത്​സവവും ഹിന്ദു വിരുദ്ധമാ​െണന്നാണ്​ ബി.ജെ.പിയു​െട പക്ഷം. 

ബി.ജെ.പിയു​െട മുൻ മുഖ്യമന്ത്രി ബി.എസ്​ യെദിയൂരപ്പയുടെ വിശ്വസ്​ത ശോഭ കരന്ദ്​ലജെയാണ്​​ വിവാദങ്ങൾക്ക്​ തുടക്കം കുറിച്ചത്​. ബാഹ്​മണി രാജാവ്​ ഹിന്ദുക്കളെ കൊല്ലുകയും ബലാത്​സംഗം ചെയ്യുകയും ചെയ്​തവരാണ്​. ഇപ്പോൾ കോൺഗ്രസ്​ അവരുടെ ഉത്​സവം ആഘോഷിക്കാൻ തീരുമാനിച്ചിരിക്കുന്നു. നേരത്തെ ടിപ്പു ജയന്തി, ഇപ്പോൾ ബാഹ്​മണി ​െഫസ്​റ്റിവൽ. ഹിന്ദു വികാരങ്ങളെ ഹനിക്കുന്ന താഴെക്കിടയിലുള്ള രാഷ്​ട്രീയമാണ്​ സിദ്ധരാമയ്യ കളിക്കുന്നതെന്നും ശോഭ ട്വിറ്ററിൽ കുറിച്ചു. 

മെഡിക്കൽ വിദ്യാഭ്യാസ മന്ത്രി ഡോ. ശരൺ പ്രകാശ്​ പാട്ടീലാണ്​ ഉത്​സവം നടത്താൻ തീരുമാനിച്ചതെന്ന്​ ആരോപണമുണ്ടായിരുന്നു. എന്നാൽ അത്​ സർക്കാർ നടത്തുന്ന പരിപാടിയല്ലെന്നും സ്വകാര്യ ചടങ്ങാണെന്നും സിദ്ധരാമയ്യ പറഞ്ഞു. ഇൗ സംഭവത്തെ കുറിച്ച്​ തനിക്ക്​ ഒരു അറിവുമില്ല. അതുമായി ബന്ധപ്പെട്ട മന്ത്രിമാരോട്​ ചോദിക്കുന്നതാണ്​ നല്ലതെന്നും സിദ്ധരാമയ്യ കൂട്ടിച്ചേർത്തു.  

മാർച്ച്​ ആറിന്​ നടക്കുന്ന ചടങ്ങ്​ സർക്കാർ നടത്തുന്നതല്ലെന്ന്​ ശരൺ പ്രകാശ്​ പാട്ടീൽ വ്യക്​തമാക്കി. ബി.ജെ.പിക്ക്​ വേറെ പണിയൊന്നുമില്ലാത്തതിനാൽ ഇത്തരമോരോ നുണകൾ പ്രചരിപ്പിക്കുകയാണെന്ന്​ റവന്യൂ മന്ത്രി കഗോദു തിമ്മപ്പയും പറഞ്ഞു.