ദലിത്​ മുഖ്യമന്ത്രിക്ക്​ പിന്നാലെ പഞ്ചാബിന്​ ദലിത്​ ഡി.ജി.പിയും

ഛണ്ഡിഗഢ്​: ഇഖ്​ബാൽ പ്രീത്​ സിങ്​ സഹോട്ട പഞ്ചാബിന്‍റെ പുതിയ ഡി.ജി.പിയാവും. ശനിയാഴ്ചയാവും അദ്ദേഹം ഡി.ജി.പിയായി ചുമതലയേൽക്കുക. സ്വാതന്ത്ര്യത്തിന്​ ശേഷം ഇത്​ മൂന്നാം തവണയാണ്​ പഞ്ചാബിന്​ ദലിത്​ ഡി.ജി.പിയെ ഡിജി.പിയെ ലഭിക്കുന്നത്​. 2009ലാണ്​ ഇതിന്​ മുമ്പ്​ പഞ്ചാബിൽ ദലിത്​ ഡി.ജി.പിയുണ്ടായത്​.

ചരൺജിത്​ സിങ്​ ഛന്നി മുഖ്യമന്ത്രിയായി സത്യപ്രതിജ്ഞ ചെയ്​തതിന്​ പിന്നാലെയാണ്​ പുതിയ ഡി.ജി.പി നിയമനവും നടത്തിയത്​. പഞ്ചാബിലെ ആദ്യ ദലിത്​ മുഖ്യമന്ത്രിയാണ്​ ചരൺജിത് സിങ്​ ഛന്നി.